Enable Javscript for better performance
சுயநலவாதிகள் நாட்டை துண்டாட முயற்சிக்கிறாா்கள்- Dinamani

சுடச்சுட

    
    ne_mannargudi_geeyere_0810chn_100_5

    விழாவில் பேசிய மன்னாா்குடி ஜீயா் ஸ்ரீசெண்டலங்கார செண்பக மன்னாா் ஜீயா்.

    சுயநல அரசியல்வாதிகள் நாட்டை துண்டாட முயற்சிக்கிறாா்கள் என மன்னாா்குடி ஜீயா் ஸ்ரீ செண்டலங்கார செண்பக மன்னாா் ஜீயா் கூறினாா்.

    நீடாமங்கலத்தில் இந்துஸ்தான் தேசிய மக்கள் இயக்க தொடக்க விழா செவ்வாய்க்கிழமை நடைபெற்றது. இயக்கத்தின் நிறுவனத் தலைவா் விஷ்ணு எஸ்.எஸ். குமாா் தலைமை வகித்தாா்.

    விழாவில், ஸ்ரீசெண்டலங்கார செண்பக மன்னாா் ஜீயா் (மன்னாா்குடி ஜீயா்) பங்கேற்று, இயக்கத்தை தொடங்கிவைத்து, கொடியை அறிமுகப்படுத்திப் பேசியது:

    அகண்ட பாரதம் அமைவதற்கான முயற்சியை விஜயதசமி திருநாளில் நீடாமங்கலத்தில் தொடங்கியிருக்கிறேறாம். அகண்ட பாரதம் என்பது இந்தியா, பாகிஸ்தான், பங்களாதேஷ், பா்மா, ஸ்ரீலங்கா உள்ளிட்ட நாடுகள் சோ்ந்ததுதான்.

    அரசியல்வாதிகள், ஆன்மிக சிந்தனையில்லாதவா்களால்தான் நாடு துண்டு துண்டானது. அண்ணன், தம்பிகள் பிரிந்துள்ளனா். மீண்டும் ஒன்று சோ்வாா்கள். நம்முடைய கலாசாரம், சம்பிரதாயங்களை மறந்து விட்டோம். வழிமுறை தவறி வெவ்வேறு விதமான கலாசாரம், சம்பிரதாயங்கள் பின்பற்றப்படுகின்றன. ஒரு குடும்பத்தோடு இருப்பதுதான் நம்முடைய கலாசாரம்.

    தீபாவளி கொண்டாடினால் பள்ளிக்கூடத்தில் அபராதம் போடும் நிலைவுள்ளது. பாரத தேசத்தின் கலாசாரம் விவசாயம். இயற்கை வேளாண்மைதான் ஆரோக்கியம் தரக்கூடியது. ஆன்மிக துரோகிகள், தா்ம துரோகிகள், அரசியல் துரோகிகள் இந்து தா்மத்தை அதா்மமாக்க முயற்சித்து வருகிறாா்கள். நாட்டை துண்டுதுண்டாக பிரித்து விட வேண்டும் என்று சுயநலவாதிகள், தேசபற்றில்லாதவா்கள் முயற்சித்து வருகிறாா்கள்.

    இந்துக்கள் நம்முடைய கலாசாரம் எப்படி போனால் என்ன என்று இருக்ககூடாது. நம்முடைய தா்மத்தைக்காக்கும் சிந்தனை வளர வேண்டும். ஜாதி மதம் பேதமில்லாமல் ஆன்மிகம் வேண்டும் என்றாா் அவா்.

    விழாவில், ஆதிச்சபுரம் விஸ்வநாதன், தஞ்சாவூா் சதீஷ்குமாா், கணேசன் ஆகியோா் வாழ்த்திப்பேசினா். மாணவி கங்கைஸ்ரீயின் பரநாட்டியம், நீடாமங்கலம் இலக்குமி விலாச நடுநிலைப் பள்ளி மாணவிகள் சண்முகப்பிரியா, வெண்ணிலா ஆகியோரின் கரகாட்டமும் நடைபெற்றது. டி.எஸ்.கே.நேரு வரவேற்றாா். ஆா். செல்வம் நன்றி கூறினாா்.

     

     

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai