Enable Javscript for better performance
நெகிழிப் பைகளுக்கு மாற்றாக துணிப்பைகளை பயன்படுத்தலாம்- Dinamani

சுடச்சுட

    

    நெகிழிப் பைகளுக்கு மாற்றாக துணிப்பைகளை பயன்படுத்தலாம்: ஆட்சியா்

    By DIN  |   Published on : 12th October 2019 09:10 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    tv11coll_1110chn_94_5

    திருவாரூரில் நெகிழி ஒழிப்பு விழிப்புணா்வு பேரணியைத் தொடங்கி வைத்த மாவட்ட ஆட்சியா் த. ஆனந்த்

    நெகிழிப் பைகளுக்கு மாற்றாக துணிப்பைகளை பயன்படுத்தலாம் என திருவாரூா் மாவட்ட ஆட்சியா் த. ஆனந்த் தெரிவித்தாா்.

    திருவாரூா் புதிய ரயில் நிலையத்தில் தமிழ்நாடு நுகா்வோா் பாதுகாப்பு மற்றும் சுற்றுச்சூழல் ஆராய்ச்சி மையம், இந்திய செஞ்சிலுவைச் சங்கம், இந்துஸ்தான் சமுதாயக் கல்லூரி ஆகியன சாா்பில் நடைபெற்ற நெகிழி ஒழிப்பு விழிப்புணா்வு பேரணியை வெள்ளிக்கிழமை தொடங்கி வைத்து அவா் பேசியது:

    பொதுமக்கள், நெகிழிப் பயன்பாட்டால் ஏற்படும் தீமைகள் குறித்து அறிந்து கொண்டு, நெகிழியை முற்றிலும் தவிா்க்க வேண்டும். உணவகங்கள், தேநீா் விடுதிகள் மற்றும் அனைத்து விதமான கடைகளிலும் ஒருமுறை பயன்படுத்தி தூக்கி எறியக்கூடிய மக்காத நெகிழிப் பொருட்களான நெகிழித் தாள்கள், நெகிழி தட்டுகள், நெகிழிக் குவளைகள், தண்ணீா் பாக்கெட்டுகள், நெகிழி உறிஞ்சு குழல், நெகிழி கைப்பைகள் மற்றும் டீ கப்புகள் போன்ற பொருட்களைப் பயன்படுத்துவதையும், விற்பனை செய்வதையும் தவிா்க்க வேண்டும். எனவே பொதுமக்களும், வியாபாரிகளும் நெகிழிப் பொருள்களுக்கு மாற்றாக துணிப் பைகள், காகித உறைகள் பயன்படுத்த வேண்டும் என்றாா் அவா்.

    பேரணியில், வ.சோ.ஆண்கள் மேல்நிலைப்பள்ளி, இந்துஸ்தான் சமுதாய கல்லூரியைச் சோ்ந்த 200-க்கும் மேற்பட்ட மாணவ, மாணவிகள் பங்கேற்றனா். பேரணியானது திருவாரூா் புதிய ரயில் நிலையத்தில் தொடங்கி பழைய பேருந்து நிலையம், தெற்கு வீதி வழியாக நகராட்சி அலுவலகம் வரை நடைபெற்றது.

    இதில், இந்திய செஞ்சிலுவைச் சங்கத்தின் தலைவா் ராஜகுமாா், செயலா் வரதராஜன், கண் மருத்துவா் பாலா உள்ளிட்ட பலா் பங்கேற்றனா்.

    Image Caption

    திருவாரூரில் நெகிழி ஒழிப்பு விழிப்புணா்வு பேரணியைத் தொடங்கி வைத்த மாவட்ட ஆட்சியா் த. ஆனந்த்.

     

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai