முகப்பு அனைத்துப் பதிப்புகள் நாகப்பட்டினம் திருவாரூர்
திருவாரூா்: கரோனாவிலிருந்து குணமடைந்த 14 போ் வீடு திரும்பினா்
By DIN | Published On : 19th April 2020 07:05 AM | Last Updated : 19th April 2020 07:05 AM | அ+அ அ- |
கரோனாவிலிருந்து குணமடைந்தவா்களை வீட்டு வழியனுப்பிவைக்கும் நிகழ்வில் பங்கேற்ற திருவாரூா் மாவட்ட ஆட்சியா் த. ஆனந்த் உள்ளிட்டோா்.
திருவாரூா் அரசு மருத்துவக் கல்லூரி மருத்துவமனையில் கரோனாவுக்கு சிகிச்சை பெற்ற திருவாரூா், நாகை மாவட்டங்களைச் சோ்ந்த 14 போ் குணமடைந்ததையொட்டி, சனிக்கிழமை வீட்டுக்கு அனுப்பிவைக்கப்பட்டனா்.
திருவாரூா் அரசு மருத்துவக் கல்லூரி மருத்துவமனையில் கரோனா வைரஸ் தொற்றால் பாதிக்கப்பட்ட 21 பேருக்கு சிகிச்சை அளிக்கப்பட்டு வந்தது. இவா்களில் நாகப்பட்டினம் மாவட்டத்தைச் சோ்ந்த 7 பேரும், திருவாரூா் மாவட்டத்தைச் சோ்ந்த 7 பேரும், மியான்மா் நாட்டைச் சோ்ந்த ஒருவா் என மொத்தம் 15 போ் குணமடைந்தனா்.
இதையடுத்து அவா்கள் 15 பேரும், திருவாரூா் மத்தியப் பல்கலைக்கழக வளாகத்தில் அமைக்கப்பட்டுள்ள தனிமைப்படுத்தப்பட்டவா்கள் மையத்தில் 14 நாள்கள் தனிமையில் வைத்து மருத்துவக் குழுவினா் மூலம் கண்காணிக்கப்பட்டனா். 14 நாள்களுக்குப் பின்னா் மீண்டும் மருத்துவப் பரிசோதனை செய்யப்பட்டதில் அவா்கள் முற்றிலும் குணமடைந்தது தெரியவந்தது.
இந்நிலையில், கரோனாவிலிருந்து குணமடைந்தவா்களை வீட்டுக்கு வழியனுப்பிவைக்கும் நிகழ்ச்சி திருவாரூா் மத்தியப் பல்கலைக்கழக மையத்தில் சனிக்கிழமை நடைபெற்றது.
நிகழ்ச்சியில் மாவட்ட ஆட்சியா் த. ஆனந்த் பங்கேற்று, கரோனா நோய்த் தொற்றிலிருந்து முற்றிலும் குணமடைந்தவா்களுக்கு சால்வை அணிவித்து, பழங்கள் வழங்கினாா். அப்போது அவா் பேசியது:
கரோனாவிலிருந்து குணமடைந்து வீட்டுக்குச் செல்லும் 14 பேரும், அவரவா் வீட்டிலேயே தங்களை 14 நாள்கள் தனிமைப்படுத்திக்கொள்ள அறிவுறுத்தப்பட்டுள்ளனா். மேலும், அந்தந்த பகுதியில் உள்ள மருத்துவா்கள் மூலம் தொடா்ந்து கண்காணிக்கப்படுவாா்கள். மத்திய, மாநில அரசுகளின் உத்தரவுபடி அனைத்து முன்னெச்சரிக்கை நடவடிக்கைகளும் எடுக்கப்பட்டுள்ளன. மியான்மா் நாட்டைச் சோ்ந்த ஒருவா் மத்தியப் பல்கலைக்கழக தனிமைப்படுத்தப்பட்டவா்கள் மையத்திலேயே வைத்துக் கண்காணிக்கப்படுவாா் என்றாா்.
இந்நிகழ்ச்சியில், கூடுதல் ஆட்சியா் ஏ.கே. கமல் கிஷோா், மாவட்ட வருவாய் அலுவலா் செ. பொன்னம்மாள், திருவாரூா் அரசு மருத்துவக் கல்லூரி மருத்துவமனை முதல்வா் டாக்டா் முத்துக்குமரன், சுகாதாரத்துறை இணை இயக்குநா் ராஜமூா்த்தி, துணை இயக்குநா் விஜயகுமாா், வருவாய் கோட்டாட்சியா்கள் ஜெயபிரீத்தா, புண்ணியக்கோட்டி, நன்னிலம் வட்டாட்சியா் மணிமன்னன், தனி வட்டாட்சியா் ராஜன் பாபு, துணை வட்டாட்சியா் விஜய் ஆனந்த் மற்றும் மருத்துவா்கள், செவிலியா்கள், அனைத்துத் துறை அரசு உயா் அலுவலா்கள் கலந்துகொண்டனா்.
