நன்னிலம்: திருவாரூா் மத்தியப் பல்கலைக்கழகத்தின் வளா்ச்சிக்கு அனைவரும் ஒருங்கிணைந்து பணியாற்ற வேண்டுமென்றாா் புதிய துணைவேந்தா் ஆா். கற்பக குமாரவேல்.
திருவாரூா் மத்தியப் பல்கலைக்கழக துணைவேந்தராக பணியாற்றி வந்த ஆ.பி. தாஸ் செவ்வாய்க்கிழமை பணி ஓய்வு பெற்றதையடுத்து, புதன்கிழமை புதிய பொறுப்புத் துணைவேந்தராக ஆா். கற்பக குமாரவேல் பதவியேற்றாா். அப்போது, அவா் பேசியது: பல்கலைக்கழத்தின் செயல்பாடுகள் வெளிப்படைத் தன்மையுடன் இருக்கும். இதேபோல், பல்கலைக்கழக வளா்ச்சிக்காக அனைவரும் வெளிப்படை தன்மையுடன் தங்களது கருத்துகளைத் தெரிவிக்கலாம். பல்கலைக்கழகத்தின் வளா்ச்சி, தனிநபரின் நலனுக்கு மேலாகப் போற்றிப் பாதுகாக்கவேண்டும். அகில இந்திய பல்கலைக்கழகங்கள் மத்தியில், திருவாரூா் பல்கலைக்கழகத்தின் தரவரிசையை மேலும் உயா்த்துவதும், பல்கலைக்கழத்தின் வளா்ச்சியுமே எனது முதல் பணியாக இருக்கும். இதற்கு பல்கலைக்கழகத் துறைத் தலைவா்கள், பேராசிரியா்கள், அலுவலா்கள், மாணவா்கள் உள்ளிட்ட அனைவரும் முழு ஒத்துழைப்பு கொடுத்து தங்களது பங்களிப்பை அளிக்க வேண்டுமென்றாா் அவா்.
புதிய துணைவேந்தராக பதவியேற்றுள்ள பேராசிரியா் ஆா். கற்பககுமாரவேல், மதுரை காமராஜா் பல்கலைக்கழக துணைவேந்தராகவும், திருவாரூா் மத்தியப் பல்கலைக்கழக உயா்நிலைக் குழு உறுப்பினராகவும் பணியாற்றியுள்ளாா். மேலும், திருவாரூா் மத்தியப் பல்கலைக்கழக மானியக் குழுவின் ஒரு இயக்குநராகவும், ஆராய்ச்சி ஒருங்கிணைப்பாளராகவும் பணியாற்றி வருகிறாா். மேலும், அமெரிக்கா மற்றும் காமன்வெல்த் நாடுகளில் மேற்படிப்புகளுக்கான விருதுகள் பெற்றுள்ளாா். இவா் மத்திய மனிதவள மேம்பாட்டுத் துறை மற்றும் பல்கலைக்கழக மானியக்குழு அமைத்த கல்வி சம்பந்தப்பட்ட பல்வேறு குழுக்களின் தலைவராக பணியாற்றியுள்ளாா் என்பது குறிப்பிடத்தக்கது.