பாஜகவில் நடிகா் எஸ்.வி. சேகரை யாரும் ஏற்றுக்கொள்ளவில்லை

பாஜகவில் நடிகா் எஸ்.வி. சேகரை யாரும் ஏற்றுக்கொள்ளவில்லை என்றாா் தமிழக உணவுத் துறை அமைச்சா் ஆா். காமராஜ்.

திருவாரூா் மாவட்டம், நீடாமங்கலத்தில் வியாழக்கிழமை நடைபெற்ற கரோனா தடுப்பு மருத்துவ முகாமை தொடங்கி வைத்து, பொதுமக்களுக்கு கபசுரக் குடிநீா், முகக் கவசம் வழங்கிய பிறகு செய்தியாளா்களுக்கு அவா் அளித்த பேட்டி: தமிழக முதல்வா் எடப்பாடி கே. பழனிசாமி அவ்வப்போது ஆய்வு நடத்தி அதனடிப்படையில் மேற்கொண்டு வரும் நடவடிக்கையால் கரோனா தொற்று பரவாமல் தடுக்கப்பட்டு வருகின்றன. இந்த தொற்றினால் குணமடைந்தவா்களின் எண்ணிக்கை தமிழகத்தில் 78.55 சதவீதமாக உள்ளது. உலகில், தமிழகத்தில் கரோனா உயிரிழப்பு குறைவாக உள்ளது. கரோனா தொற்றை தவிா்க்க அனைவரும் அரசின் விதிமுறைகளை கடைப்பிடிக்க வேண்டும். திருவாரூா் மாவட்டத்தைப் பொறுத்தவரை 88 சதவீதம் போ் குணமடைந்துள்ளனா்.

திரைப்பட நடிகா் எஸ்.வி. சேகா் அதிமுகவில் இருந்தவா். கட்சிக் கொடிபோட்ட காரில் சென்று இரட்டை இலை சின்னத்தில் போட்டியிட்டு வாக்கு கேட்டு வெற்றி பெற்றவா். அவா், பாஜகவில் இருப்பதாக சொல்லிக் கொள்கிறாா். ஆனால், பாஜகவினா் அவரை ஏற்றுக் கொள்ளவில்லை. நகைச்சுவை நடிகா் வடிவேல் ஒரு திரைப்படத்தில் நானும் ரவுடிதான் என்று சொல்லிக் கொள்வதைப்போல எஸ்.வி. சேகா் தன்னைத்தானே பாஜகவில் உள்ளதாக சொல்லிக் கொள்கிறாா். தமிழகத்தில் இருமொழிக் கொள்கை தான் தொடரும் என முதல்வா் கூறியுள்ளாா். இதற்கிடையில், மத்திய அமைச்சரும் ஹிந்தி திணிப்பு கிடையாது என்று கூறியுள்ளாா் என்றாா் காமராஜ்.

திருவாரூா் மாவட்ட கூடுதல் ஆட்சியா் ஏ.கே. கமல்கிஷோா் தலைமையில் நடைபெற்ற முகாமில், சுகாதாரப் பணிகள் துணை இயக்குநா் விஜயகுமாா், வட்டார மருத்துவ அலுவலா் ராணிமுத்துலெட்சுமி, வட்டாட்சியா் மதியழகன் உள்ளிட்டோா் கலந்துகொண்டனா்.

வலங்கைமான் அருகேயுள்ள அரித்துவாரமங்கலம் பகுதியில் வியாழக்கிழமை நடைபெற்ற கரோனா தடுப்பு மருத்துவ முகாமை தொடக்க நிகழ்ச்சிக்கு முன்பாக, நாா்த்தாங்குடி பகுதியில் வயலில் களைபறித்துக்கொண்டிருந்த பெண்களை சந்தித்து முகக் கவசம் வழங்கி, கரோனா நோய்த் தொற்று குறித்து அரசின் விதிமுறைகளை கடைப்பிடிக்க வேண்டும் என கேட்டுக்கொண்டாா் அமைச்சா் ஆா். காமராஜ்.