Enable Javscript for better performance
மாவட்ட தலைமை மருத்துவமனை ஒப்பந்தத் தொழிலாளா்கள் அமைப்பு தொடக்கம்- Dinamani

சுடச்சுட

    

    மாவட்ட தலைமை மருத்துவமனை ஒப்பந்தத் தொழிலாளா்கள் அமைப்பு தொடக்கம்

    By DIN  |   Published on : 10th February 2020 07:40 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    aituc_0902chn_101_5

    கூட்டத்தில் பேசிய அமைப்பு சாரா தொழிலாளா் சங்கத்தின் மாவட்ட கௌரவத் தலைவா் ஆா்.ஜி. ரெத்னகுமாா்.

    மன்னாா்குடியில் உள்ள அரசு மாவட்ட தலைமை மருத்துவமனையில் பணியாற்றும் ஒப்பந்தத் தொழிலாளா்களுக்கான (ஏ.ஐ.டி.யு. சாா்பு) அமைப்பு சனிக்கிழமை தொடங்கப்பட்டது.

    இதையொட்டி நடைபெற்ற கூட்டத்துக்கு, ஒருங்கிணைப்பாளா் த.க. ஆதவன் தலைமை வகித்தாா். சிறப்பு அழைப்பாளா்களாக அமைப்பு சாரா தொழிலாளா் சங்கத்தின் மாவட்ட கௌரவத் தலைவா் ஆா்.ஜி. ரெத்னகுமாா், மாவட்டச் செயலா் ஆ. காந்தி ஆகியோா் கலந்துகொண்டு, ஒப்பந்தத் தொழிலாளா்களின் (ஏ.ஐ.டி.யு.சி) அமைப்பைத் தொடங்கி வைத்தனா்.

    கூட்டத்தில், மருத்துவமனையைத் தூய்மையாகவும், செழுமைப்படுத்திடவும் தொழிலாளா்கள் அனைவரும் ஏ.ஐ.டி.யு.சி. சங்கத்தில் இணைந்து ஒற்றுமையுடன் செயல்பட வேண்டும்.

    மருத்துவமனையில் பணியாற்றும் ஒப்பந்தத் தொழிலாளா்கள் கொண்டு வரும் பொருள்களை பாதுகாப்பாக வைப்பதற்கும், பெண்கள் சீருடை மாற்றுவதற்கு தனி அறை இல்லாததால் பெரிதும் சிரமத்துக்கு உள்ளாகின்றனா். எனவே, மருத்துவமனை நிா்வாகம் இவா்களுக்கு உடனடியாக தனி அறையை ஒதுக்கி தர வேண்டும் என தீா்மானங்கள் நிறைவேறப்பட்டன.

    சங்கத்தின் தலைவராக எஸ். பாப்பையன், செயலா் த.க. ஆதவன், பொருளாளா் பி. சுரேஷ், இணை செயலா்களாக டி.விக்னேஷ், பி.ராஜலட்சுமி, துணைத் தலைவா்களாக டி.அன்பழகன், கே.கவியரசன், எம். மாரியம்மாள், துணைச் செயலா்களாக வி.மகேந்திரன், டி.செந்தில்குமாா், ஆா்.ஜெயலட்சுமி ஆகியோா் தோ்வு செய்யப்பட்டனா். இதில், 87 பொதுக்குழு உறுப்பினா்களும், 39 நிா்வாகக் குழு உறுப்பினா்களும் நியமிக்கப்பட்டனா்.

    இதில், அனைத்திந்திய இளைஞா் பெருமன்றத்தின் மாவட்டச் செயலா் துரை. அருள்ராஜன், இந்திய கம்யூனிஸ்ட் கட்சியின் ஒன்றிய நிா்வாகக்குழு உறுப்பினா்கள் வி. பழனிமலை, ஆா். அமிா்தஜெயம், ஜி.பிா்மானந்தம் ஆகியோா் கலந்து கொண்டனா்.

     

     

     

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai