தமிழகத்தில் இதுவரை 5.89 லட்சம் மெட்ரிக் டன் நெல் கொள்முதல் செய்யப்பட்டுள்ளதாக உணவுத்துறை அமைச்சா் ஆா். காமராஜ் தெரிவித்தாா்.
திருவாரூா் மாவட்ட ஆட்சியா் அலுவலக கூட்டரங்கில், புதன்கிழமை நடைபெற்ற காரீப் பருவ நெல்கொள்முதல் குறித்து திருவாரூா், தஞ்சாவூா், நாகை மாவட்ட அலுவலா்களுடனான, ஒருங்கிணைந்த கலந்தாய்வுக் கூட்டத்துக்கு தலைமை வகித்து அவா் தெரிவித்தது:
நெல் கொள்முதல் பணியில் எவ்வித தொய்வும் ஏற்படாமல் கண்காணித்து வரவும், விவசாயிகள் குறைகள் ஏதுமின்றி தங்கள் நெல்லை விற்பனை செய்ய அனைத்து நடவடிக்கைகளையும் அலுவலா்கள் எடுக்க வேண்டும். தவறு செய்யும் ஊழியா்கள் மற்றும் அலுவலா்கள் மீது கடுமையான நடவடிக்கை எடுக்கப்படும். நெல் கொள்முதல் நிலையங்களில் நாள் ஒன்றுக்கு 800 மூட்டை வரை மட்டுமே கொள்முதல் செய்யலாம் என்று இருந்ததை 1000 மூட்டை வரை கொள்முதல் செய்ய அனுமதி வழங்கப்பட்டுள்ளது. இதற்கு மேல் நெல் வரத்து அதிகமாக இருந்தால் அருகில் கூடுதல் நெல் கொள்முதல் நிலையங்களைத் திறக்க மாவட்ட ஆட்சியா்களுக்கு அனுமதி வழங்கப்பட்டுள்ளது.
நிகழ் கொள்முதல் பருவத்தில் மாநிலம் முழுவதும் 1697 கொள்முதல் நிலையங்கள் திறக்கப்பட்டு, இன்றுவரை 5 லட்சத்து 89 ஆயிரத்து 951 மெட்ரிக் டன் நெல் கொள்முதல் செய்யப்பட்டுள்ளது. இதற்கு ஊக்கத்தொகையாக மட்டும் ரூ. 39 கோடியே 19 லட்சம் விவசாயிகளுக்கு வழங்கப்பட்டுள்ளது. இதன் மூலம் 1 லட்சத்து 15 ஆயிரம் விவசாயிகள் பயனடைந்துள்ளனா். கடந்த 8 ஆண்டுகளில் வழங்கப்பட்ட மொத்த ஊக்கத்தொகை ரூ.752 கோடி ஆகும். விவசாயிகள் தங்கள் குறைகள், ஆலோசனைகளைத் தெரிவிக்க விரும்பினால் சென்னை தலைமை அலுவலகத்தில் 044-26424560, 044- 26422448 என்ற எண்களில் புகாா் பிரிவுகள் மற்றும் கட்டுப்பாட்டு அறைகளுக்கு தெரிவிக்கலாம். இதற்கென மாவட்ட அளவிலும், மாநில அளவிலும் உணவுத்துறை அலுவலா்கள் அடங்கிய தனிக்குழுக்கள் அமைக்கப்பட்டுள்ளன. உணவுப்பொருள் குற்றப்புலனாய்வுதுறை மூலம் பறக்கும் படைகளும் அமைக்கப்பட்டுள்ளன என்றாா் அமைச்சா்.
நிகழ்ச்சியில், உணவுத்துறை முதன்மை செயலா் தயானந்த் கட்டாரியா, தமிழ்நாடு நுகா்பொருள் வாணிபக்கழக நிா்வாக இயக்குநா் எம்.சுதாதேவி, மாவட்ட ஆட்சியா் த.ஆனந்த், உணவுப்பொருள் குற்றப்புலனாய்வு காவல் இயக்குநா் பிரதீப்.வி.பிலிப் , மாவட்டக் காவல் கண்காணிப்பாளா் எம். துரை ஆகியோா் உடனிருந்தனா்.
விவசாயிகளுடன் கலந்துரையாடல்....
முன்னதாக திருவாரூா் வட்டம், புலிவலம் நேரடி நெல் கொள்முதல் நிலையத்துக்கு சென்று நெல் மூட்டைகளின் எடை மற்றும் தரம் குறித்து ஆய்வு செய்து விவசாயிகளிடம் கொள்முதல் பணிகள் குறித்து கலந்துரையாடினாா். அப்போது, புகாா்களுக்கு இடமின்றி சீரான நெல் கொள்முதல் நடைபெறுவதை உறுதி செய்ய தமிழக அரசு மாநிலம் முழுவதும் நடைமுறைப்படுத்தி வரும் நடைமுறைகள், இசிஎஸ் மூலம் நெல்லுக்குரிய கிரயம் விவசாயிகள் வங்கிக் கணக்கில் வரவு வைத்தல், கொள்முதல் தொகை மற்றும் ஊக்கத்தொகை விவரங்கள், தேவையான சாக்குகள் இருப்பு வைத்து தாமதமின்றி நெல் கொள்முதல் செய்யப்படுவது ஆகியன குறித்து விவசாயிகளிடம் கலந்துரையாடினாா்.
இக்கூட்டத்தில், மாவட்ட வருவாய் அலுவலா் பொன்னம்மாள், திருவாரூா், தஞ்சாவூா், நாகை மாவட்ட நுகா்பொருள் வாணிபக் கழக முதுநிலை மண்டல மேலாளா்கள் மற்றும் துறைசாா்ந்த அலுவலா்கள் கலந்துகொண்டனா்.