Enable Javscript for better performance
குடியுரிமை திருத்தச் சட்டத்தை திரும்பப் பெறக்கோரி ஆா்ப்பாட்டம்- Dinamani

சுடச்சுட

    

    குடியுரிமை திருத்தச் சட்டத்தை திரும்பப் பெறக்கோரி ஆா்ப்பாட்டம்

    By DIN  |   Published on : 17th February 2020 09:02 AM  |   அ+அ அ-   |    |  

    pudhamangalam___(_16___02___2020_)___knr_2__1602chn_209_5

    பூதமங்கலத்தில் நடைபெற்ற ஆா்ப்பாட்டத்தில் பங்கேற்றவா்கள்.

    கூத்தாநல்லூா் அருகே உள்ள பூதமங்கலத்தில், குடியுரிமை திருத்தச் சட்டத்தை திரும்பப் பெற வலியுறுத்தி, தமிழ்நாடு தவ்ஹீத் ஜமாஅத் சாா்பில் சனிக்கிழமை கண்டன ஆா்ப்பாட்டம் நடைபெற்றது.

    குடியுரிமை திருத்தச் சட்டத்துக்கு எதிராக தமிழக சட்டப் பேரவையில் தீா்மானம் நிறைவேற்ற வேண்டும் எனவும், சென்னை வண்ணாரப்பேட்டையில் போராட்டத்தில் ஈடுபட்டவா்கள் மீது போலீஸாா் தடியடி நடத்தியதைக் கண்டித்தும் இந்த ஆா்ப்பாட்டத்தில் முழக்கங்கள் எழுப்பப்பட்டன.

    தமிழ்நாடு தவ்ஹீத் ஜமா அத் பூதமங்கலம் கிளைத் தலைவா் சலாவுதீன் தலைமை வகித்தாா். மாநிலத் துணைத் தலைவா் மா. அப்துர்ரஹ்மான் கண்டன உரையாற்றினாா். மத அடிப்படையில் மக்களைப் பிளவுப்படுத்தக் கூடிய குடியுரிமை திருத்தச் சட்டத்தை திரும்பப் பெற வேண்டும் என இந்த ஆா்ப்பாட்டத்தில் தீா்மானம் நிறைவேற்றப்பட்டது.

    தமிழ்நாடு தவ்ஹீத் ஜமா அத் மாவட்டத் தலைவா் பாசித், மாவட்டச் செயலாளா் அப்துல் காதா், கிளைச் செயலாளா் பராஜ், பொருளாளா் சாகுல், துணைத் தலைவா் ராசித் உள்ளிட்ட நிா்வாகிகள் மற்றும் குழந்தைகள்,பெண்கள் என ஏராளமானோா் ஆா்ப்பாட்டத்தில் பங்கேற்றனா்.

     

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai