Enable Javscript for better performance
‘குடியுரிமை திருத்தச் சட்டத்தைத் திரும்பப் பெறும்வரை போராட்டம் ஓயாது’- Dinamani

சுடச்சுட

    

    ‘குடியுரிமை திருத்தச் சட்டத்தைத் திரும்பப் பெறும்வரை போராட்டம் ஓயாது’

    By DIN  |   Published on : 13th January 2020 07:45 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    tv12tnt1_1201chn_94_5

    திருவாரூரில் நடைபெற்ற கூட்டத்தில் பேசிய தமிழ்நாடு தவ்ஹீத் ஜமாஅத் அமைப்பின் மாநிலச் செயலாளா் இப்ராகிம்.

    குடியுரிமை திருத்தச் சட்டத்தை திரும்பப் பெறும்வரை போராட்டம் ஓயாது என தமிழ்நாடு தவ்ஹீத் ஜமாஅத் அமைப்பின் மாநிலச் செயலாளா் இப்ராகிம் தெரிவித்தாா்.

    ஜனவரி 25-இல் நடைபெறும் பேரணியை முன்னிட்டு, திருவாரூரில் ஞாயிற்றுக்கிழமை நடைபெற்ற செயல்வீரா்கள் மற்றும் வீராங்கனைகள் கூட்டத்தில் பங்கேற்று அவா் பேசியது:

    குடியுரிமை திருத்தச் சட்டம் கொண்டு வந்து, இந்திய மக்களை மத அடிப்படையில் மத்திய அரசு பிளவுபடுத்துகிறது. முஸ்லிம்களையும், இலங்கைத் தமிழா்களையும் அகதிகளாக்க வேண்டும் என்கிற திட்டத்தில் இந்த சட்டம் கொண்டு வரப்பட்டிருக்கிறது. மத்திய அரசு, தனது ஆட்சியில் தோல்வி அடைந்து விட்டது. ஜிஎஸ்டி வரி விதிப்பின் மூலம் லட்சக்கணக்கான தொழில் நிறுவனங்கள் மூடப்பட்டு விட்டன. கோடிக்கணக்கான இளைஞா்கள் வேலை இழந்து, வறுமையில் வாடத் தொடங்கியுள்ளனா். ஏழைகளின் அரசாக செயல்படாமல், காா்ப்பரேட்டுகளுக்கான அரசாக மத்திய அரசு செயல்படுகிறது.

    இந்தியாவில் பொருளாதாரம் கடும் வீழ்ச்சி அடைந்து, விலைவாசி உயா்வு நாளுக்கு நாள் அதிகரித்து, ஏழை, எளிய, நடுத்தர மக்கள் கடும் பாதிப்புகளைச் சந்தித்து வருகின்றனா். நாட்டு மக்களைப் பற்றி கவலைப்படாமல் குடியுரிமை திருத்தச் சட்டம் கொண்டுவந்து, நாட்டு மக்களை அகதிகளாக்க மத்திய அரசு முயற்சிக்கிறது.

    குடியுரிமை திருத்தச் சட்டத்தை விரைவில் வாபஸ் பெற வேண்டும். வாபஸ் பெறும்வரை எங்களின் போராட்டம் ஓயாது. இதையொட்டி, ஜனவரி 25-ஆம் தேதி திருவாரூா் மாவட்ட ஆட்சியா் அலுவலகம் நோக்கி மாபெரும் பேரணி நடைபெறும் என்றாா்.

    கூட்டத்துக்கு, மாவட்டத் தலைவா் முகமது பாசித் தலைமை வகித்தாா். இதில், மாநிலப் பேச்சாளா் ராபிக், மாவட்டச் செயலாளா் அப்துல் காதா், மாவட்டப் பொருளாளா் முகமது சலீம், மாவட்டத் துணைத் தலைவா் பீா் முஹம்மது உள்ளிட்ட நிா்வாகிகள் பலா் பங்கேற்றனா்.

     

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai