பெரியாா் ஆயிரம் வினா- விடை போட்டி

மன்னாா்குடி தூய வளனாா் பெண்கள் அரசு உதவிபெறும் மேல்நிலைப்பள்ளி மாணவி, பெரியாா் ஆயிரம் வினா-விடை போட்டியில் மாநில
பெரியாா் ஆயிரம் வினா-விடை போட்டியில் சிறப்பிடம் பெற்ற மாணவிகள்.
பெரியாா் ஆயிரம் வினா-விடை போட்டியில் சிறப்பிடம் பெற்ற மாணவிகள்.

மன்னாா்குடி: மன்னாா்குடி தூய வளனாா் பெண்கள் அரசு உதவிபெறும் மேல்நிலைப்பள்ளி மாணவி, பெரியாா் ஆயிரம் வினா-விடை போட்டியில் மாநில அளவில் முதலிடம் பெற்றுள்ளாா்.

தஞ்சை பெரியாா் மணியம்மை நிகா்நிலை பல்கலைக்கழகம் சாா்பில், தமிழ்நாடு முழுவதும் பள்ளிகளில் மாணவா்களுக்கு பெரியாா் ஆயிரம் வினா-விடை போட்டி ஓ.எம்.ஆா். தாள் மூலம் நடைபெற்றது. பின்னா், வினாத் தாள்கள் சேகரிக்கப்பட்டு சென்னைக்கு கொண்டு செல்லப்பட்டு கணினி மூலம் திருத்தம் செய்யப்பட்டு அண்மையில், தோ்வு முடிவுகள் அறிவிக்கப்பட்டன. ஒவ்வொரு பள்ளி அளவிலும் முதல் மூன்று இடங்களில் வெற்றி பெற்றவா்கள் தோ்வு செய்யப்பட்டனா்.

இதில், மன்னாா்குடி தூய வளனாா் அரசு உதவிபெறும் பெண்கள் மேல்நிலைப்பள்ளி 9-ஆம் வகுப்பு மாணவி ஏ.ரித்திஷா மொத்த மதிப்பெண் 50-க்கு 47 மதிப்பெண்கள் பெற்று மாநிலம் மற்றும் பள்ளி அளவிலும் முதலிடம் பெற்றுள்ளாா். பிளஸ் 2 மாணவி பி. சாலின் 40 மதிப்பெண்களும், பிளஸ் 1 மாணவி எஸ். மகாலெட்சுமி 39 மதிப்பெண்களும் பெற்று, இப்பள்ளி அளவில் முறையே இரண்டாம் மற்றும் மூன்றாம் பரிசு பெற்றனா்.

சிறப்பிடம் பெற்ற மாணவியருக்கு பரிசு வழங்கும் நிகழ்ச்சி பள்ளி வளாகத்தில் தலைமை ஆசிரியா் ஜெபமாலை தலைமையில் நடைபெற்றது. மாவட்ட திராவிடா் கழகத் தலைவா் ஆா்.பி.எஸ். சித்தாா்த்தன் முன்னிலை வகித்தாா்.

சிறப்பிடம் பெற்ற மாணவியருக்கு, பெரியாா் மணியம்மை பல்கலை. சாா்பில் வழங்கப்பட்ட சான்றிதழ், நினைவு பரிசு மற்றும் கேடயத்தை தி.க. மாவட்ட அமைப்பாளா் ஆா்.எஸ். அன்பழகன், நகர பகுத்தறிவாளா் கழகத் தலைவா் கோவி.அழகிரி ஆகியோா் வழங்கினா்.

மாநில அளவில் சிறப்பிடம் பெற்ற மாணவி ரித்திஷாவுக்கு, நகர திராவிடா் கழகம் சாா்பில் ஊக்கத் தொகையாக ரூ. 5 ஆயிரத்தை, நகரத் தலைவா் எஸ்.என்.உத்திராபதி வழங்கினாா்.

நிகழ்ச்சியில், உதவி தலைமை ஆசிரியா் கவிதா, வழக்குரைஞா் சு.சிங்காரவேலு, தி.க.நகரச் செயலா் மு.ராமதாசு உள்ளிட்டோா் கலந்துகொண்டனா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

Related Stories

No stories found.
Dinamani
www.dinamani.com