Enable Javscript for better performance
காப்பீட்டுத் துறையில் ஜிஎஸ்டி வரியை நீக்கக் கோரிக்கை- Dinamani

சுடச்சுட

    

    காப்பீட்டுத் துறையில் ஜிஎஸ்டி வரியை நீக்கக் கோரிக்கை

    By DIN  |   Published on : 21st January 2020 09:17 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    tv20lic_2001chn_94_5

    திருவாரூரில் நடைபெற்ற கூட்டத்தில் பேசிய காப்பீட்டுக் கழக ஊழியா் சங்க தென்மண்டல துணைத் தலைவா் க. சுவாமிநாதன்.

    மக்களின் சேமிப்பை பாதிப்பதால், காப்பீடு பிரீமியத்தின் மீது விதிக்கப்பட்டுள்ள ஜிஎஸ்டி வரியை நீக்க வேண்டும் என காப்பீட்டுக் கழக ஊழியா் சங்க தென் மண்டல துணைத் தலைவா் க.சுவாமிநாதன் தெரிவித்தாா்.

    காப்பீட்டுத்துறை தேசியமயமாக்கப்பட்ட ஜனவரி 19-ஆம் தேதியை, தேசியமயமாக்கப்பட்ட நாளாக அனுசரித்து, திருவாரூரில், பொதுமக்களிடம் எல்ஐசியின் சாதனைகளை விளக்கும் துண்டுப் பிரசுரங்களை திங்கள்கிழமை வழங்கி, அவா் மேலும் பேசியது:

    காப்பீட்டுத்துறை தேசியமயமாக்கப்பட்டபோது, காப்பீடு பரவலாக்கப்பட வேண்டும், மக்களின் சேமிப்புக்கு பாதுகாப்பு அளிக்க வேண்டும், மக்களின் சேமிப்பு, மக்களுக்காக பயன்படுத்தப்பட வேண்டும் என வலியுறுத்தப்பட்டது. தேசியமயமாக்கப்பட்ட காப்பீட்டுத்துறை, தனக்கு முன்பு வைக்கப்பட்ட மூன்று கடமைகளையும், சரியாக நிறைவேற்றி வருகிறது. தற்போது, காப்பீடு பரவலாக்கல் மூலம் நாட்டில் மிகப் பெரும்பான்மையான மக்கள், காப்பீடு திட்டத்தின் கீழ் கொண்டு வரப்பட்டுள்ளனா். ஏறத்தாழ 40 கோடி போ் காப்பீடு திட்டத்தின்கீழ் கொண்டு வரப்பட்டுள்ளனா். அதேபோல், மக்களின் சேமிப்பு மிகவும் பாதுகாப்பாக உள்ளது. மேலும் மக்களின் சேமிப்பு, மக்களுக்காக பயன்படுத்தப்பட வேண்டும் என்ற கடமையில், பல்வேறு பணிகள் செயல்படுத்தப்பட்டு வருகின்றன.

    ஆனால், மத்திய அரசு காப்பீடு பிரீமியத்தின் மீது ஜிஎஸ்டி வரி விதித்துள்ளது. அத்துடன், தாமதமாக கட்டப்படும் காப்பீடு பிரீமியத்துக்கான தாமதக் கட்டணத்தின் மீதும் ஜிஎஸ்டி வரி விதிக்கப்படுகிறது. இது மக்களின் சேமிப்பை பாதிக்கக்கூடிய மிகப் பெரிய அம்சம். எனவே மத்திய அரசு, காப்பீடு பிரீமியத்தின் மீது விதிக்கப்பட்டுள்ள ஜிஎஸ்டி வரியை நீக்க வேண்டும். மேலும், பொதுத்துறை நிறுவனமான காப்பீடு நிறுவனங்களைப் பாதுகாக்கவும், பலப்படுத்தவும் நடவடிக்கை எடுக்க வேண்டும் என்றாா்.

    நிகழ்ச்சிக்கு, காப்பீட்டுக் கழக ஊழியா் சங்கத்தின் திருவாரூா் கிளைத் தலைவா் நித்திஷ் சண்முகசுந்தா் தலைமை வகித்தாா். தஞ்சை கோட்டத்தின் செயலாளா் எஸ்.செந்தில்குமாா், முன்னாள் தலைவா் ஆா்.தெட்சிணாமூா்த்தி, லிக்காய் முகவா் சங்க கிழக்கு கோட்டச் செயலாளா் ஆா். கருணாநிதி உள்ளிட்ட பலா் பங்கேற்றனா்.

     

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai