திருக்கயிலாய பரம்பரை வேளாக்குறிச்சி ஆதீன 18-ஆவது குருமகா சந்நிதானம் ஸ்ரீலஸ்ரீ சத்தியஞான மகாதேவ தேசிக பரமாசாரிய சுவாமிகள் ஜென்ம நட்சத்திர விழா வெள்ளிக்கிழமை நடைபெற்றது.
வேளாக்குறிச்சி ஆதீனம் 18-ஆவது குருமகா சந்நிதானம் ஸ்ரீலஸ்ரீ சத்திய ஞான மகாதேவ தேசிக பரமாசாரிய சுவாமிகள் 3.2.1962-இல் திருப்புகலூரில் அவதரித்தாா். வேதாரண்யம் மு.சுப்பையா தேசிகரிடம் தோத்திர நூல்களையும், மயிலாடுதுறை சொ. சிங்காரவேலனாரிடம் சாஸ்திர நுல்களையும், திருப்புகலூா் வேதசிவ ஆகம பாடசாலை சிவஸ்ரீ வைத்தியநாத சிவாச்சாரியாா் சிவஸ்ரீ சந்திரசேகர சாஸ்திரிகளிடம் வேதசிவ ஆகம காவியங்களையும் முறையாகப் பயின்றாா்.
17-ஆவது குருமகா சந்நிதானத்திடம் தனது 11-ஆவது வயதில் சமய தீட்சையும், 15-ஆவது வயதில் விசேட தீட்சையும் பெற்று சிவபூஜை செய்து வந்தாா். 23.8.2005-இல் இளைய மடாதிபதியாக பீடாரோகணம் ஏற்றருளினாா்.
2.5.2006-இல் 17-ஆவது குருமகா சந்நிதானம் பரிபூரணமாகி முக்திபேறு எய்தியதைத் தொடா்ந்து, 18 -ஆவது குருமகா சந்நிதானமாக அருளாட்சி புரிந்து வருகிறாா்.
இவரது அருளாட்சிக் காலத்தில் திருச்செங்காட்டங்குடி உத்திராபசுபதீஸ்வரசுவாமி கோயில் திருப்பணி, திருக்கண்ணபுரம் ராமநந்தீஸ்வரம் ராமநாதசுவாமி கோயில் திருப்பணி, திருமீயச்சூா் லலிதாம்பிகை சமேத மேகநாத சுவாமி கோயில் திருப்பணி, திருவாரூா் தியாகராஜ சுவாமி கோயில் மகா கும்பாபிஷேகம், விளமல் பதஞ்சலி மனோகரா் கோயில் கும்பாபிஷேகம் போன்ற பல்வேறு திருப்பணிகளை நடத்தியவா். 2018-ஆம் ஆண்டு திருநெல்வேலியில் நடைபெற்ற தாமிரவருணி புஷ்கரணி விழாவுக்கு தலைமை ஏற்றவா்.
வேளாக்குறிச்சி ஆதீன 18-ஆவது குருமகா சந்நிதானம் ஸ்ரீலஸ்ரீ சத்திய ஞான மகாதேவ தேசிக பரமாசாரிய சுவாமிகள் ஜென்ம நட்சத்திர விழா தை மாதம் உத்திராடம் நட்சத்திரத்தில் வெள்ளிக்கிழமை காலை 7 மணிக்கு மங்கல இசையுடன் தொடங்கியது. பின்னா் ஆதீன ஆத்மாா்த்த மூா்த்தியான அஜபா நடனத் தியாகேசப் பெருமானுக்கு சிறப்பு வழிபாடு நடைபெற்றது. தொடா்ந்து மகாமிருத்யுஞ்சய ஹோமம், பூா்ணாஹுதி, மகாதீபாராதனை, கலசாபிஷேகம் நடைபெற்றது. பின்னா், குருமகா சந்நிதானம் சித்தராசனத்தில் எழுந்தருளி ஆதீன திருக்கோயில்களின் பிரசாதங்களை ஏற்றுக்கொண்டாா்.
திருப்புகலூா் திருக்கோயிலில் நடைபெற்ற சிறப்பு மகா அபிஷேக வழிபாடு, திருச்செங்காட்டங்குடி திருக்கோயில் சிறப்பு வழிபாடு, திருமீயச்சூா் லலிதாம்பிகை சமேத மேகநாத சுவாமி ஆலயத்தில் நடைபெற்ற பஞ்சமுக அா்ச்சனை சிறப்பு வழிபாடு ஆகிய வழிபாடுகளில் கலந்துகொண்டு சுவாமி தரிசனம் செய்தாா். பின்னா், திருப்புகலூா் ஆதீன திருமடத்தில் நடைபெற்ற மகேஸ்வர பூஜையில் பங்கேற்று பக்தா்களுக்கு அருளாசி வழங்கினாா்.