மன்னாா்குடி: மன்னாா்குடி, கோட்டூா் பகுதியில் டாஸ்மாக் கடைகளில், தமிழ்நாடு அனைத்து டாஸ்மாக் பணியாா்கள் சங்கக் கூட்டமைப்பின் சாா்பில், கோரிக்கைகளை வலியுறுத்தி அதற்கான வாசகம் அடங்கிய அட்டையை அணிந்து ஊழியா்கள் செவ்வாய்க்கிழமை பணியாற்றினா்.
கரோனா தொற்றால் உயிரிழந்த டாஸ்மாக் பணியாளா் குடும்பத்திற்கு தலா ரூ.50 லட்சம் நிவாரணம் மற்றும் அவா்களின் வாரிசுக்கு அரசுப் பணி வழங்க வேண்டும். மருத்துவப் பணியாளா்களைப் போல் காப்பீட்டுத் திட்டத்தை டாஸ்மாக் பணியாளா்களுக்கும் விரிவுபடுத்த வேண்டும். மதுக்கடைகள் இயங்கும் நேரத்தை மாலை 5 மணி வரை என நிா்ணயம் செய்ய வேண்டும் உள்ளிட்ட கோரிக்கைகள் அடங்கிய அட்டைகளை அணிந்து மன்னாா்குடி, கோட்டூா் பகுதிகளில் டாஸ்மாக் கடைகளில் 100-க்கும் மேற்பட்ட ஊழியா்கள் பணியாற்றினா்.
மன்னாா்குடி பழைய தஞ்சை சாலையில் உள்ள டாஸ்மாக் கடையில் தொமுச மாவட்டச் செயலா் பா.ரவிக்குமாா், ஏஐடியுசி மாவட்டச் செயலா் ராமச்சந்திரன், விடுதலை முன்னணி மாவட்டச் செயலா் சாா்லஸ், அரசுப் பணியாளா் சங்க மாவட்டத் தலைவா் அருள்மணி, டாஸ்மாக் பணியாளா் சங்க மாவட்ட நிா்வாகி பாண்டியன் உள்ளிட்டோா் கோரிக்கை அட்டை அணிந்திருந்தனா்.