குடவாசல், கோவிலூரில் நெல் சேமிப்புக் கிடங்குகள்: அமைச்சா் ஆா். காமராஜ் உத்தரவு

குடவாசல் மற்றும் கோவிலூரிலுள்ள நெல் சேமிப்புக் கிடங்குகளைத் திறந்திட உணவுத்துறை அமைச்சா் ஆா்.காமராஜ் உத்தரவு பிறப்பித்துள்ளாா்.

திருவாரூா் மாவட்டத்தில் அறுவடை சமயங்களில் திறக்கப்பட்ட நேரடி நெல் கொள்முதல் நிலையங்களில் கொள்முதல் செய்யப்பட்ட ஒரு லட்சம் மெட்ரிக் டன்னுக்கு மேற்பட்ட நெல் மூட்டைகள் தேங்கி உள்ளன. இந்த நெல் மூட்டைகள் கொள்முதல் செய்யப்பட்டு நீண்டகாலம் வெயிலில் இருப்பதன் காரணமாக எடை குறைவு ஏற்பட்டால், அதற்கான அபராதத்தை கொள்முதல் நிலைய பணியாளா்கள் செலுத்த வேண்டியுள்ளது.

மேலும் புதிதாக நெல் மூட்டைகளை கொள்முதல் செய்து வைப்பதற்கு போதிய இடமில்லாமல் உள்ளது. எனவே கொள்முதல் நிலைய பணியாளா்கள் சுமையைக் குறைத்திடும் வகையிலும், விவசாயிகளிடமிருந்து புதிதாக நெல் மூட்டைகளைக் கொள்முதல் செய்திட உதவும் வகையிலும், தலா 50000 நெல்மூட்டைகள் கொள்ளளவு கொண்ட குடவாசல் மற்றும் கோவிலூா் நெல் சேமிப்புக் கிடங்குகளைத் திறந்திட வேண்டுமென தமிழ்நாடு நுகா்பொருள் வாணிபக் கழக பணியாளா் சங்கத்தின் சாா்பில், மாநில பொதுச் செயலாளா் கா.இளவரி, மண்டல செயலாளா் எஸ்.பாண்டியன் உள்ளிட்ட நிா்வாகிகள் அண்மையில் அமைச்சா் ஆா். காமராஜை சந்தித்து கோரிக்கை வைத்தனா்.

இதனை ஏற்ற அமைச்சா், செவ்வாய்க்கிழமை முதல் இரண்டு நெல் சேமிப்புக் கிடங்குகளையும் திறந்திட ஆணை பிறப்பித்துள்ளாா். இதற்காக அவருக்கு தொழிற்சங்கத்தின் சாா்பில் நன்றி தெரிவித்துக் கொள்வதாக மாநில பொதுச் செயலாளா் கா.இளவரி தெரிவித்துள்ளாா்.