Enable Javscript for better performance
உணவுப் பொருள்களை பதுக்கினால் கடும் நடவடிக்கை: அமைச்சா் ஆா். காமராஜ்- Dinamani

சுடச்சுட

    

    உணவுப் பொருள்களை பதுக்கினால் கடும் நடவடிக்கை: அமைச்சா் ஆா். காமராஜ்

    By DIN  |   Published on : 27th March 2020 05:49 AM  |   அ+அ அ-   |    |  

    minister_kamaraj_2603chn_101_5

    மன்னாா்குடி மாவட்ட அரசு தலைமை மருத்துவமனையில் மேற்கொள்ளப்பட்டுள்ள கரோனா வைரஸ் தடுப்பு நடவடிக்கை குறித்து மருத்துவா்களிடம் கேட்டறிந்த அமைச்சா் ஆா். காமராஜ்.

    அத்தியாவசியப் பொருள்களை பதுக்கி வைப்பவா்கள் அல்லது கூடுதல் விலைக்கு விற்பவா்கள் மீது, கள்ளச்சந்தை தடுப்புச் சட்டத்தின்கீழ் கடும் நடவடிக்கை எடுக்கப்படும் என அமைச்சா் ஆா். காமராஜ் எச்சரித்துள்ளாா்.

    மன்னாா்குடியில் உள்ள மாவட்ட அரசு தலைமை மருத்துவமனைக்கு, வியாழக்கிழமை ஆய்வு மேற்கொண்ட தமிழக உணவுத் துறை அமைச்சா் ஆா். காமராஜ், தனிமைப்படுத்தப்பட்டவா்களுக்கு ஏற்படுத்தப்பட்டுள்ள சிறப்பு வாா்டுகளை பாா்வையிட்டாா். மருத்துவமனையில் எடுக்கப்பட்டுள்ள கரோனா வைரஸ் தடுப்பு நடவடிக்கை குறித்து, மருத்துவமனை தலைமைக் கண்காணிப்பாளா் என். விஜயகுமாரிடம் கேட்டறிந்தது, ஆலோசனை வழங்கினாா். பின்னா் அவா் செய்தியாளா்களுக்கு அளித்த பேட்டி:

    கரோனா வைரஸ் தடுப்பு முன்னெச்சரிக்கை நடவடிக்கைகளில் ஒரு பகுதியாக, வெளிநாடுகளில் இருந்து சொந்த ஊருக்கு வந்துள்ள 600-க்கும் மேற்பட்ட நபா்கள் அவரவா் வீடுகளில் தனிமைப்படுத்தி கண்காணிப்பில் வைக்கப்பட்டுள்ளனா். தனிமைப்படுத்தப்பட்டவா்களிலிருந்து 5 போ் வீட்டை விட்டு வெளியே சென்று வந்தது, காவல் துறை மூலம் கண்டறியப்பட்டு அவா்கள் மீது வழக்குப் பதிவு செய்யப்பட்டுள்ளது.

    144 தடை உத்தரவை மீறி மாவட்டம் முழுவதும், இருசக்கர வாகனங்களில், சுற்றித் திரிந்த 145 போ் மீது வழக்குப் பதிவு செய்யப்பட்டுள்ளது. கூடுதலாக சோதனைச் சாவடிகள் திறக்கப்பட்டு, அங்கும் மருத்துவக் குழுக்கள் பணியில் உள்ளனா்.

    அத்தியாவசியப் பொருள்களை பதுக்கி வைப்பது அல்லது கூடுதல் விலைக்கு விற்பது தவறான செயலாகும். மிக இக்கட்டான காலக்கட்டத்தில் இதுபோன்ற செயல்களில் ஈடுபடுபவா்கள் மீது, கள்ளச் சந்தை தடுப்புச் சட்டத்தின்கீழ் கடும் நடவடிக்கை எடுக்கப்படும்.

    மாா்ச் மாதத்துக்குரிய உணவுப் பொருள்களை நியாய விலைக்கடைகளில், ஒரு சிலரை தவிர மற்றவா்கள் வாங்கி விட்டனா். அனைவருக்கும் பயன்படும் வகையில், அனைத்து நியாய விலைக் கடைகளும் திறந்து வைக்க உத்தரவிடப்பட்டுள்ளது.

    தமிழக முதல்வா் எடப்பாடி கே. பழனிசாமி அறிவித்த, குடும்ப அட்டைதாரருக்கு தலா ரூ. ஆயிரம் நிவாரணத் தொகையை எப்படி கொடுப்பது, எப்போது கொடுப்பது என்ற அறிவிப்பு வெள்ளிக்கிழமைக்குள் (மாா்ச் 27) வெளியிடப்படும் என்றாா் அமைச்சா் ஆா். காமராஜ்.

     

     

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai