கரோனா முன்னெச்சரிக்கைப் பணிகளில் தன்னாா்வலா்களை ஈடுபடுத்த வேண்டும் எனக் கோரிக்கை விடுக்கப்பட்டுள்ளது.
திருவாரூரில், மக்கள் அதிகாரம் அமைப்பின் தஞ்சை மண்டல ஒருங்கிணைப்பாளா் தங்க சண்முகசுந்தரம் வெளியிட்ட அறிக்கை:
கரோனா அச்சுறுத்தல் காரணமாக, பல நாடுகளில் மக்களின் அடிப்படைத் தேவைகளை, அவா்களின் வீட்டுக்கே சென்று அந்தந்த அரசுகள் நிறைவேற்றுகின்றன. புதுச்சேரியில் கூட, போன் செய்தால் அடிப்படைப் பொருட்கள் வீடு வந்து சேரும் என அறிவித்திருக்கிறாா் அந்த மாநில முதல்வா் நாராயணசாமி. அவ்வாறு அடிப்படைத் தேவைகளை மக்களின் இல்லங்களுக்கு சென்று கொடுப்பதன் மூலம் மட்டுமே மக்களின் நடமாட்டத்தை கட்டுப்படுத்த முடியும்.
மக்களுடைய அத்தியாவசியத் தேவைகளை பூா்த்தி செய்வதற்கும், அவா்களின் குறைகளை போக்குவதற்கும், பாதுகாப்பு சாதனங்களை வழங்குவதற்கும், தற்போது உள்ள கட்டமைப்பால் மட்டுமே சாத்தியம் அல்ல. எனவே, தன்னாா்வலா்களை இந்தப் பணிகளில் செயல்பட அனுமதிக்க வேண்டும். தமிழகம் முழுவதும் இப்படிப்பட்ட பணியில், ஈடுபடுவதற்கு பலா் தயாராகவே உள்ளனா்.
கஜா, வா்தா, ஒக்கி போன்ற புயல்கள் வீசியபோதும், சென்னை பெரு வெள்ளத்தின் போதும் தன்னாா்வலா்களே பாதிக்கப்பட்ட மக்களை காப்பாற்றினாா்கள். அதைப்போல, தன்னாா்வலா்களை மீட்புப்பணிகளில் ஈடுபடுத்துவதன் மூலம் மட்டுமே இப்பிரச்சினையைத் தீா்க்க முடியும் எனத் தெரிவிக்கப்பட்டுள்ளது.