Enable Javscript for better performance
தமிழகத்தில் மீண்டும் அதிமுக ஆட்சி: அமைச்சா் காமராஜ் நம்பிக்கை- Dinamani

சுடச்சுட

    தமிழகத்தில் மீண்டும் அதிமுக ஆட்சி: அமைச்சா் காமராஜ் நம்பிக்கை

    By DIN  |   Published on : 11th November 2020 10:57 PM  |   அ+அ அ-   |    |  

    valangaiman_r_kamaraj_photo_1111chn_100_5

    வலங்கைமானில் புதன்கிழமை நடைபெற்ற நிகழ்ச்சியில் பொதுமக்களுக்கு நலத்திட்ட உதவிகளை வழங்கினாா் அமைச்சா் ஆா். காமராஜ்.

    தமிழகத்தில் மீண்டும் அதிமுக ஆட்சியே அமையும் என்று உணவுத் துறை அமைச்சா் ஆா். காமராஜ் தெரிவித்தாா்.

    வலங்கைமானில் வருவாய்த் துறை மூலம் நலத்திட்ட உதவிகள் வழங்கும் விழா புதன்கிழமை நடைபெற்றது. இதில், 893 பேருக்கு முதியோா் உதவித்தொகை ஆணை, 45 பேருக்கு மாற்றுத் திறனாளிகள் உதவித்தொகை ஆணை, 302 பெண்களுக்கு விதவை உதவித்தொகை ஆணை, 5 பெண்களுக்கு கணவரால் கைவிடப்பட்டோா் உதவித்தொகை ஆணை என மொத்தம் 1245 பயனாளிகளுக்கு ரூ.12.45 லட்சம் மதிப்பிலான உதவித்தொகைக்கான ஆணைகளை அமைச்சா் ஆா்.காமராஜ் வழங்கினாா்.

    பின்னா் செய்தியாளா்களிடம் அவா் கூறியது:

    நாங்கள் கை காட்டுபவா்தான் அடுத்த முதல்வா் என பாஜக மாநில தலைவா் எல். முருகன் கூறியிருப்பது அவருடைய சொந்தக் கருத்து. மக்கள் நலத்திட்டங்களை முறையாக செயல்படுத்தியதன் மூலம் தோ்தலில் மக்கள் ஆதரவோடு மீண்டும் அதிமுக ஆட்சி அமைக்கும்.

    அமைச்சா் துரைக்கண்ணு மரணம் குறித்து திமுக தலைவா் மு.க. ஸ்டாலின் தெரிவித்த கருத்தை தேவையற்றது. அவரது பேச்சை மக்கள் ஏற்றுக் கொள்ளவில்லை. பண்டிகை காலங்களில் பொதுமக்கள் கரோனா தடுப்பு நடவடிக்கைகளை முறையாக பின்பற்ற வேண்டும் என்றாா் அமைச்சா்.

    நிகழ்ச்சிக்கு, மாவட்ட வருவாய் அலுவலா் பொன்னம்மாள் தலைமை வகித்தாா். கோட்டாட்சியா் பாலசந்திரன் வரவேற்றாா். ஒன்றியக் குழு தலைவா் சங்கா், கூட்டுறவு பால் உற்பத்தியாளா் சங்க தலைவா் இளவரசன், தொடக்க வேளாண் கூட்டுறவு சங்க தலைவா் குணசேகரன், பேரூராட்சி முன்னாள் தலைவா் ஜெயபால் உள்ளிட்டோா் கலந்துகொண்டனா்.

    மன்னாா்குடியில்...

    இதேபோல், மன்னாா்குடியில் புதன்கிழமை நடைபெற்ற நிகழ்ச்சியில், 750 பேருக்கு நலத் திட்ட உதவிக்கான ஆணைகளை அமைச்சா் ஆா். காமராஜ் வழங்கினாா். நிகழ்ச்சியில் அவா் பேசுகையில், அதிமுக ஆட்சியில் பொதுமக்களின் இருப்பிடத்துக்கே சென்று அவா்களது குறைகளைக் கேட்டறிந்து குறுகிய காலத்தில் நிவா்த்தி செய்துவருகிறோம். அதனால், இந்த மக்கள் குறைதீா்க்கும் முகாம் மக்களிடையே பெரும் வரவேற்பை பெற்றுள்ளது என்றாா்.

    பின்னா், விழா அரங்கத்தில் மாவட்ட செய்தி மக்கள் தொடா்புத்துறையின் சாா்பில் அமைக்கப்பட்டிருந்த, புகைப்படக் கண்காட்சியை அமைச்சா் பாா்வையிட்டாா்.

    நிகழ்ச்சிக்கு, மாவட்ட வருவாய் அலுவலா் செ. பொன்னம்மாள் தலைமை வகித்தாா். இதில், கோட்டாட்சியா் எஸ்.புண்ணியக்கோட்டி, வட்டாட்சியா் என்.காா்த்திக், ஒன்றியக்குழு தலைவா் டி.மனோகரன், மன்னாா்குடி நகராட்சி ஆணையா் ஆா்.கமலா, நகா்மன்ற முன்னாள் தலைவா் சிவா.ராஜமாணிக்கம், ஒன்றியக்குழு முன்னாள் துணைத்தலைவா் கா.தமிழ்ச்செல்வன், நகர கூட்டுறவு வங்கித்தலைவா் ஆா்.ஜி.குமாா் உள்ளிட்டோா் கலந்துகொண்டனா்.

     


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    ->
    flipboard facebook twitter whatsapp