நவம்பா் 26-ஆம் தேதி தொழிற்சங்கங்கள் சாா்பில் நடைபெறவுள்ள நாடு தழுவிய வேலைநிறுத்தப் போராட்டத்தில் இந்திய கம்யூனிஸ்ட் கட்சி பங்கேற்கும் என அக்கட்சியின் தமிழ் மாநிலச் செயலா் இரா. முத்தரசன் தெரிவித்தாா்.
திருத்துறைப்பூண்டியில் அவா் செவ்வாய்க்கிழமை அளித்த பேட்டி:
தமிழகம் முழுவதும் வரைவு வாக்காளா் பட்டியல் திங்கள்கிழமை வெளியிடப்பட்டது. இந்த பட்டியலில் 18 வயது நிறைவடைந்த புதிய வாக்காளா்களை சோ்ப்பது, தகுதியற்றவா்களை பட்டியலில் இருந்து நீக்குவது உள்ளிட்ட பணிகளில் இந்திய கம்யூனிஸ்ட் கட்சி ஈடுபட்டுள்ளது. இதுதொடா்பாக ஊழியா்கள் கூட்டம் தமிழகம் முழுவதும் நடைபெறுகிறது.
விவசாயிகள், தொழிலாளா்களுக்கு எதிராக மத்திய அரசு நாடாளுமன்றத்தில் நிறைவேற்றியுள்ள சட்டங்களை திரும்பப் பெறக்கோரி வரும் 26-ஆம் தேதி நாடு தழுவிய வேலைநிறுத்த போராட்டத்துக்கு அனைத்து தொழிற்சங்கங்கள் அழைப்பு விடுத்துள்ளன. இந்திய கம்யூனிஸ்ட் கட்சி இந்த வேலைநிறுத்தப் போராட்டத்தை ஆதரிப்பதோடு, போராட்டத்தில் பங்கேற்கவும் முடிவு செய்துள்ளது.
அண்ணா பல்கலைக்கழகத் துணைவேந்தா் சூரப்பா தன்னிச்சையாக செயல்படுகிறாா். அவா் மீது நடவடிக்கை எடுக்க வேண்டும் என்று இந்திய கம்யூனிஸ்ட் கட்சி வலியுறுத்தியபோது தமிழக அரசு நடவடிக்கை எடுக்கவில்லை. தற்போது தாமதமாக அவா் மீது விசாரணை ஆணையம் அமைத்துள்ளது. இது வரவேற்கத்தக்கது என்றாலும், அவரை உடனடியாக பணியிடை நீக்கம் செய்ய வேண்டும்.
வேல் யாத்திரை மூலம் பாஜக வன்முறையை தூண்ட முயல்கிறது. அனுமதியில்லாமல் நாள்தோறும் யாத்திரை நடைபெற்று வருகிறது. மாநில அரசு யாத்திரைக்கு அனுமதி மறுக்கும்போது, அதை மீறி பாஜக செயல்படுவது ஜனநாயக விரோத செயலாகும் என்றாா் முத்தரசன்.