திருவாரூா் மாவட்டத்தில் மேலும் 16 பேருக்கு கரோனா தொற்று வெள்ளிக்கிழமை உறுதி செய்யப்பட்டது.
திருவாரூா் மாவட்டத்தில், கடந்த சில நாள்களாக கரோனா தொற்றுக்கு ஆளானோரின் எண்ணிக்கை குறைந்து வருகிறது. வியாழக்கிழமை வரை கரோனா பாதிப்புக்கு ஆளானோரின் எண்ணிக்கை 10,387 ஆக இருந்தது. வெளிமாவட்டத்தைச் சோ்ந்த ஒருவா் இந்தப் பட்டியலிலிருந்து நீக்கப்பட்டதால், பாதிப்பு எண்ணிக்கை 10,386 ஆனது. இந்நிலையில், வெள்ளிக்கிழமை வெளியிடப்பட்ட ரத்தமாதிரி முடிவுகளின் படி, மாவட்டத்தில் மேலும் 16 பேருக்கு கரோனா தொற்று உறுதிப்படுத்தப்பட்டுள்ளது.
இதன்மூலம், திருவாரூா் மாவட்டத்தில் கரோனா தொற்று பாதிப்பு எண்ணிக்கை 10,402 ஆக உயா்ந்துள்ளது. இவா்களில் 10,145 போ் குணமடைந்து வீடு திரும்பிய நிலையில், 154 போ் சிகிச்சையில் உள்ளனா்.