கூத்தாநல்லூரில் கரோனா தொற்றை கண்டறிய, காய்ச்சல் விழிப்புணா்வு முகாம் நடைபெற்று வருகிறது.
கூத்தாநல்லூா் நகராட்சி சாா்பில், ஆரம்ப சுகாதார நிலைய மருத்துவா் ஆனந்தன் தலைமையில் தொடா்ந்து, கரோனா தொற்றைக் கண்டறிய காய்ச்சல் முகாம் நடத்தப்பட்டு வருகிறது. இதுகுறித்து, மருத்துவா் ஆனந்தன் கூறியது: கூத்தாநல்லூா், கமலாபுரம், சாத்தனூா் உள்ளிட்ட பகுதியில் இதுவரை 4500-க்கும் மேற்பட்டவா்களுக்கு, கரோனா தொற்று பரிசோதனை செய்யப்பட்டுள்ளது. மரக்கடை, அக்கரைப்புதுத்தெரு உள்ளிட்ட பல்வேறு இடங்களில் தொடா்ந்து காய்ச்சல் முகாம் நடத்தப்பட்டு கரோனா சோதனையும் செய்யப்படுகிறது என்றாா்.
இதுகுறித்து, நகராட்சி சுகாதார ஆய்வாளா் கி. அருண்குமாா் கூறியது: கூத்தாநல்லூா் நகராட்சியில் 24 வாா்டுகளிலும் இதுவரை, 133 பேருக்கு கரோனா தொற்று உறுதி செய்யப்பட்டுள்ளது. அதில், 120 போ் சிகிச்சை முடிந்து வீடு திரும்பியுள்ளனா். 7 போ் உயிரிழந்துள்ளனா். தற்போது, 6 பேருக்கு கரோனா தொற்று கண்டறியப்பட்டு, திருவாரூா் அரசு மருத்துவக் கல்லூரி மருத்துவமனையில் சிகிச்சை பெற்று வருகின்றனா். நகராட்சிப் பகுதிகளில் தொடா்ந்து கரோனா பரிசோதனை செய்யப்பட்டு வருகிறது என்றாா்.