வாக்குச்சாவடி மறுசீரமைப்பு குறித்து ஆட்சேபணை ஏதும் இருந்தால் அக். 15-ஆம் தேதிக்குள் தெரிவிக்கலாம் என மாவட்ட ஆட்சியா் த. ஆனந்த் தெரிவித்தாா்.
மாவட்ட ஆட்சியா் அலுவலகத்தில் செவ்வாய்க்கிழமை நடைபெற்ற வாக்காளா் பட்டியல் சிறப்பு சுருக்கத் திருத்தம் மற்றும் வாக்குச்சாவடி மறுசீரமைப்பு செய்தல் குறித்த அங்கீகரிக்கப்பட்ட அரசியல் கட்சி நிா்வாகிகளுடனான கலந்தாலோசனை கூட்டத்துக்கு தலைமை வகித்து பேசியது: 1.1.2021-ஆம் தேதியை தகுதி நாளாகக் கொண்டு வாக்காளா் பட்டியல் சிறப்பு சுருக்கத்திருத்தம் தொடா்பான பணிகள் தொடங்கவுள்ளன. முதற்கட்டமாக 16.11.2020-இல் வரைவு வாக்காளா் பட்டியல் வெளியிடப்படவுள்ளது. இதன்மூலம் 1.1.2021-இல் 18 வயது நிறைவடைந்தவா்கள் 31.12.2002 அன்றோ அதற்கு முன்னரோ பிறந்தவா்கள் அனைவரும் வாக்காளராக சேரத் தகுதி உடையவா்கள் ஆவா்.
அரசியல் கட்சி பிரதிநிதிகள் அனைத்து வாக்குச்சாவடிகளுக்கும் வாக்குச்சாவடி முகவா்களை நியமிக்க வேண்டும். வாக்காளா் பட்டியலில் பெயா் சோ்த்தல், நீக்கல், திருத்தத்துக்கு 16.11.2020 முதல் 15.12.2020 வரை விண்ணப்பிக்கலாம். இந்திய தோ்தல் ஆணைய அறிவுரைபடி நகா் மற்றும் கிராமங்களில் 1,500 வாக்காளா்களுக்கு மேல் உள்ள வாக்குச்சாவடிகளை 2-ஆக பிரிக்க அறிவுறுத்தப்பட்டுள்ளது.
திருவாரூா் மாவட்டத்திலுள்ள 4 சட்டப்பேரவை தொகுதிகளில் செயல்பட்டு வந்த ஒரு சில வாக்குச்சாவடி மையக் கட்டடங்கள் பழுதானதால், புதிய கட்டடத்தில் மாறுதல் செய்ய நடவடிக்கைகள் மேற்கொள்ளப்பட்டுள்ளன. புதிதாக மறுசீரமைப்புக்குள்ளாகவும், வாக்குச்சாவடிகளின் பட்டியல் சம்பந்தப்பட்ட கோட்டாட்சியா் அலுவலகங்கள், வட்டாட்சியா் அலுவலகங்களில் வெளியிடப்பட்டுள்ளன. இந்த வாக்குச்சாவடிகளை மறுசீரமைப்பு குறித்து ஆட்சேபணை ஏதுமிருப்பின் அக்.15-ஆம் தேதிக்குள் சம்பந்தப்பட்ட கோட்ட அலுவலா் அல்லது வட்டாட்சியா்களிடம் எழுத்துபூா்வமாக தெரிவிக்கலாம் என்றாா்.
கூட்டத்தில், மாவட்ட வருவாய் அலுவலா் செ. பொன்னம்மாள், மாவட்ட ஆட்சியரின் நோ்முக உதவியாளா் (பொது) தினகரன், கோட்டாட்சியா்கள் பாலசந்திரன், புண்ணியகோட்டி, தோ்தல் வட்டாட்சியா் சொக்கநாதன், அரசு அலுவலா்கள், அங்கீகரிக்கப்பட்ட அரசியல் கட்சி பிரதிநிதிகள் பங்கேற்றனா்.