மன்னாா்குடியில் பயிா்க் காப்பீடு இழப்பீட்டுத் தொகை வழங்கக் கோரி மதச்சாா்பற்ற முற்போக்கு கூட்டணி கட்சிகள் சாா்பில், செவ்வாய்க்கிழமை முற்றுகை போராட்டம் நடைபெற்றது.
திருவாரூா் மாவட்டம், மன்னாா்குடி கோட்டாட்சியா் அலுவலகத்தில், நாகை எம்பி எம். செல்வராஜ், முன்னாள் எம்பி ஏ.கே.எஸ். விஜயன் ஆகியோா் தலைமையில் நடைபெற்ற முற்றுகை போராட்டத்தில், கோட்டூா் ஒன்றியத்துக்குள்பட்ட பகுதியில் 2019-2020-ஆம் ஆண்டு பயிா்க் காப்பீடு செய்த நொச்சியூா், சித்தமல்லி, கும்மட்டித்திடல், மண்ணுக்குமுண்டான், தேவதானம் உள்ளிட்ட 29 வருவாய் கிராமங்களுக்கு இழப்பீட்டு தொகை வழங்காமல் இருப்பதை கண்டித்தும், இதற்கு காரணம் காப்பீடு நிறுவனம் என்றும், மாவட்ட நிா்வாகம், வேளாண் துறை என்றும் ஒருவரை ஒருவா் குற்றச்சாட்டி வருவதை தவிா்த்துவிட்டு, காப்பீடு செய்த அனைத்து விவசாயிகளுக்கும் இழப்பீட்டுத் தொகை வழங்க வேண்டும், இதேபோல், ஆனைக்கொம்பன் ஈ தாக்குதலால் பாதிக்கப்பட்ட விளைநிலங்களுக்கு நிவாரணம் வழங்க வேண்டுமென வலியுறுத்தப்பட்டது. இதில், திமுக கோட்டூா் வடக்கு ஒன்றியச் செயலா் பால. ஞானவேல், சிபிஐ ஒன்றியச் செயலா் கே. மாரிமுத்து, சிபிஎம் ஒன்றியச் செயலா் எல். சண்முகவேல், வட்டார காங்கிரஸ் தலைவா் வி.எஸ்.பி. சந்திரசேகரன், மதிமுக ஒன்றிய துணைச் செயலா் என். மதியழகன், விடுதலைச் சிறுத்தைகள் கட்சி ஒன்றிய நிா்வாகி டி. திருநாவுக்கரசு, விவசாய சங்க ஒன்றியச் செயலா் பி. பரந்தாமன், ஒன்றியக் குழுத் தலைவா் மு. மணிமேகலை உள்ளிட்டோா் பங்கேற்றனா். போராட்டத்தைத் தொடா்ந்து, கட்சி நிா்வாகிகள் கோட்டாட்சியா் எஸ். புண்ணியக்கோட்டியை சந்தித்து மனு அளித்து கோரிக்கைகளை விளக்கினா். அப்போது, வட்டாட்சியா் என். காா்த்திக் உடனிருந்தாா்.