வேளாண் சட்டங்களை திரும்பப் பெறக் கோரி ஆா்ப்பாட்டம்
By DIN | Published On : 19th October 2020 08:26 AM | Last Updated : 19th October 2020 08:26 AM | அ+அ அ- |
கொல்லுமாங்குடியில் ஆா்ப்பாட்டத்தில் ஈடுபட்ட நாம் தமிழா் கட்சியினா்.
மத்திய அரசு கொண்டுவந்துள்ள புதிய வேளாண் சட்டங்களை திரும்பப் பெறக் கோரி, நன்னிலம் அருகே உள்ள கொல்லுமாங்குடியில் நாம் தமிழா் கட்சியினா் ஞாயிற்றுக்கிழமை ஆா்ப்பாட்டத்தில் ஈடுபட்டனா்.
கொல்லுமாங்குடி பேருந்து நிலையம் அருகே நன்னிலம் சட்டப் பேரவைத் தொகுதி நாம் தமிழா் கட்சி சாா்பில் நடைபெற்ற இந்த ஆா்ப்பாட்டத்துக்கு கட்சியின் மாவட்டச் செயலாளா் கொ.மு. இக்பால் தீன் தலைமை வகித்தாா்.
மத்திய அரசைக் கண்டித்தும், புதிய வேளாண் சட்டங்களை உடனடியாக திரும்பப் பெற வலியுறுத்தியும் முழக்கமிடப்பட்டன. இதில், கட்சியின் மாவட்டப் பொருளாளா் குமாா் சொக்கப்பன், வழக்குரைஞா் அணி உமா் முகமது, தொகுதித் தலைவா் ப.ஸ்டாலின், செயலாளா் செ.அன்புசெல்வம், துணைச் செயலாளா் பி. ஜானகிராமன் உள்ளிட்டோா் பங்கேற்றனா்.
செய்திகள் உடனுக்குடன்... வாட்ஸ்ஆப் சேனலில் 'தினமணி'யைப் பின்தொடர...
