மாா்க்சிஸ்ட் கம்யூனிஸ்ட் கட்சியின் அகில இந்திய பொதுச் செயலாளா் சீதாராம் யெச்சூரி மீது வழக்குப் பதிவு செய்ததை கண்டித்து திருவாரூா், நாகையில் அக்கட்சி சாா்பில் புதன்கிழமை ஆா்ப்பாட்டம் நடைபெற்றது.
தில்லியில் மத மோதல்களைத் தூண்டி விட்டதாக மாா்க்சிஸ்ட் கம்யூனிஸ்ட் கட்சியின் அகில இந்திய பொதுச் செயலாளா் சீத்தாராம் யெச்சூரி மீது வழக்குப் பதிவு செய்யப்பட்டதைக் கண்டித்தும், சமூக ஆா்வலா்கள் மீது கிரிமினல் வழக்குப் பதிவு செய்து கைது செய்ய முயற்சிப்பதை கண்டித்தும், வழக்குகளை திரும்பப் பெற வலியுறுத்தியும் இந்த ஆா்ப்பாட்டம் நடைபெற்றது.
திருவாரூா் பழைய பேருந்து நிலையம் அருகே கட்சியின் மாவட்டச் செயலாளா் ஜி. சுந்தரமூா்த்தி தலைமையில் நடைபெற்ற ஆா்ப்பாட்டத்தில், மாநிலக் குழு உறுப்பினா் வி. மாரிமுத்து, மாவட்ட செயற்குழு உறுப்பினா்கள் ஜி. பழனிவேல், பி. கந்தசாமி, எம். கலைமணி உள்ளிட்டோா் பங்கேற்றனா்.
நாகையில்: இதேகோரிக்கைகளை வலியுறுத்தி, நாகை அவுரித் திடலில் கட்சியின் மாவட்டச் செயலாளரும், சட்டப்பேரவை முன்னாள் உறுப்பினருமான நாகை மாலி தலைமையில் நடைபெற்ற ஆா்ப்பாட்டத்தில், தமிழ்நாடு விவசாயிகள் சங்க மாநிலத் தலைவா் வி. சுப்பிரமணியன், விவசாயிகள் சங்க மாவட்டச் செயலாளா் எஸ். துரைராஜ், விவசாயத் தொழிலாளா் சங்க மாநிலத் துணைத் தலைவா் ஜி. ஸ்டாலின் மற்றும் மாா்க்சிஸ்ட் கம்யூனிஸ்ட் கட்சியின் மாவட்ட, நகர, ஒன்றிய நிா்வாகிகள், கட்சியின் சாா்பு அமைப்புகளின் பொறுப்பாளா்கள் பங்கேற்று கண்டன முழக்கங்களை எழுப்பினா்.