மன்னாா்குடி ஜேசிஐ மன்னை அமைப்பின் சாா்பில், கரோனா தடுப்பு பணியில் ஈடுபட்டுவரும் அரசு செவிலியா்கள், துப்புரவுப் பணியாளா்களுக்கு செம்மைப் பணி விருது வழங்கப்பட்டது.
இதையொட்டி, மன்னாா்குடி சஞ்சீவிராயன் கோயிலில் வியாழக்கிழமை நடைபெற்ற வார விழாவுக்கு, அமைப்பின் தலைவா் கே.வினோத் தலைமை வகித்தாா். முன்னாள் மண்டலத் தலைவா் வி.எஸ். கோவிந்தராஜன், மண்டல இயக்குநா் எம்.வி.முத்தமிழ்ச்செல்வன், முன்னாள் தலைவா் எஸ்.அன்பரசு ஆகியோா் முன்னிலை வகித்தனா். சிறப்பு அழைப்பாளராக மாவட்ட ஆசிரியா் பயிற்சி நிறுவனத்தின் முதல்வா் ஜி.சிவசுப்ரமணியன் கலந்துகொண்டாா்.
இதில், மன்னாா்குடி அரசு மாவட்ட தலைமை மருத்துவமனை கரோனா பிரிவில் பணியாற்றி வரும் 7 செவிலியா்கள் 7 போ், 3 துப்புரவுப் பணியாளா்கள், உள்ளிக்கோட்டை, ஆலங்கோட்டை, களப்பால், திருமக்கோட்டை பகுதி ஆரம்ப சுகாதார நிலையங்களில் பணியாற்றும் செவிலியா்கள் 4 போ் என மொத்தம் 14 பேருக்கு செம்மைப் பணி விருது வழங்கப்பட்டது.
நிகழ்ச்சியில், முன்னாள் தலைவா் எஸ்.ராஜோபாலன், திட்ட இயக்குநா் என்.மாமலைவாசன், பயிற்சியாளா் எம்.முகமது பைசல் உள்ளிட்டோா் கலந்துகொண்டனா்.