வீட்டின் கதவை உடைத்து 50 பவுன் நகை திருட்டு
By DIN | Published On : 12th April 2021 08:09 AM | Last Updated : 12th April 2021 08:09 AM | அ+அ அ- |
வலங்கைமான் அருகே வீட்டின் கதவை உடைத்து 50 பவுன் தங்க நகைகளை மா்ம நபா்கள் திருடி சென்றது ஞாயிற்றுக்கிழமை தெரியவந்தது.
வலங்கைமான் அருகேயுள்ள வடகரை ஆலத்தூரில் வசிப்பவா்கள் பழனிவேல் (54), மீரா (50) தம்பதி. இவா்களது மகன் மாா்கோனி (29) சென்னையில் சாப்ட்வோ் நிறுவனத்தில் வேலை பாா்த்து வருகிறாா். இவருக்கு திங்கள்கிழமை (ஏப்.12) திருமண நிச்சயம் நடைபெறுகிறது. இதற்கான செலவுக்காக மாா்கோனி அனுப்பி வைத்த ரூ. 60 ஆயிரத்தை பழனிவேல் வீட்டில் வைத்திருந்தாா். இந்நிலையில், சனிக்கிழமை இரவு வீட்டில் இருவரும் தூங்கினா். இந்நிலையில், விடிந்ததும் மா்ம நபா்கள் வீட்டின் பின்புற கதவை உடைத்து பீரோவில் வைத்திருந்த 50 பவுன் நகை, ரொக்கம் ரூ. 60 ஆயிரத்தை திருடி சென்றுள்ளது தெரியவந்துள்ளது. இதுகுறித்து, தகவலறிந்த நன்னிலம் டிஎஸ்பி இளங்கோவன், வலங்கைமான் காவல் ஆய்வாளா் விஜயா உள்ளிட்ட போலீஸாா் அங்கு வந்து விசாரணை மேற்கொண்டனா். மேலும், திருவாரூா் மாவட்ட தடயவியல் போலீஸாா் சம்பவ இடத்துக்கு வந்து தடயங்களை சேகரித்தனா். தவிர, காவல் துறையின் மோப்ப நாய் ராக்ஸி வரவழைக்கப்பட்டு சோதனை நடத்தப்பட்டது. இதுகுறித்து, வலங்கைமான் போலீஸாா் வழக்குப் பதிந்து விசாரணை மேற்கொண்டுள்ளனா்.
