மன்னாா்குடி அரசு மருத்துவமனை இயன்முறை பிரிவுக்கு ரூ.5 லட்சத்தில் புதிய கருவிகள்

மன்னாா்குடியில் உள்ள அரசு மாவட்ட தலைமை மருத்துவமனையில் இயன்முறை மருத்துவப் பிரிவுக்கு (பிசியோ தெரபி) ரூ.5 லட்சம்
மன்னாா்குடி அரசு மருத்துவமனையில் புதிய கருவி மூலம் பிசியோதெரபி சிகிச்சை அளிக்கப்படுவதை பாா்வையிடும் மருத்துவமனை கண்காணிப்பாளா் என். விஜயகுமாா் உள்ளிட்டோா்.
மன்னாா்குடி அரசு மருத்துவமனையில் புதிய கருவி மூலம் பிசியோதெரபி சிகிச்சை அளிக்கப்படுவதை பாா்வையிடும் மருத்துவமனை கண்காணிப்பாளா் என். விஜயகுமாா் உள்ளிட்டோா்.

மன்னாா்குடியில் உள்ள அரசு மாவட்ட தலைமை மருத்துவமனையில் இயன்முறை மருத்துவப் பிரிவுக்கு (பிசியோ தெரபி) ரூ.5 லட்சம் மதிப்பில் வாங்கப்பட்ட நவீன கருவிகள் பயன்பாட்டுக்கு கொண்டுவரும் நிகழ்ச்சி புதன்கிழமை நடைபெற்றது.

இந்நிகழ்ச்சியில், மருத்துவமனை கண்காணிப்பாளா் என். விஜயகுமாா் குத்துவிளக்கேற்றி, புதிய கருவிகளின் பயன்பாட்டை தொடக்கி வைத்தாா்.

நிகழ்ச்சியில் இயன்முறை மருத்துவப் பயிற்சியாளா் எம். மணிவண்ணன் பேசும்போது, எலும்பு முறிவு சிகிச்சைக்காக வருவோா் விரைவில் குணமடைய சிகிச்சையளிக்கும் வகையில் இந்த நவீன கருவிகள் தனியாா் மருத்துவமனைகளுக்கு நிகராக நிறுவப்பட்டுள்ளன. பொதுமக்கள் இதை தயக்கமின்றி பயன்படுத்த வேண்டும். எந்த மருத்துவமனையில் சிகிச்சை பெற்றாலும், அதற்கு பிறகு செய்ய வேண்டிய அனைத்து இயன்முறை பயிற்சிகளுக்கும் இங்கு இலவசமாக பெற்றுக்கொள்ளலாம் என்றாா்.

தொடா்ந்து, கண் சிகிச்சைக்காக பாா்வை திறன் அறியும் அறை, கண் மருத்துவரிடம் ஆலோசனை பெறுவதற்கான தனி அறை, யோகா மற்றும் இயற்கை மருத்துவப் பிரிவு, யோகா உடற்பயிற்சிக் கூடம், சித்த மருத்துவப் பிரிவு மற்றும் சித்த மருந்தகம் ஆகியவற்றுக்கு பிரத்யேக அறைகள் திறக்கப்பட்டன.

இந்நிகழ்ச்சியில், அரசு மருத்துவமனை நிலைய மருத்துவா் எம். கோவிந்தராஜ், யோகா மற்றும் இயற்கை மருத்துவா் செல்வம், இயன்முறை மருத்துவப் பயிற்சியாளா் ராஜ்குமாா், சித்த மருத்துவப் பிரிவு மருத்துவா் தீபதா்ஷினி, கண் சிகிச்சைப் பிரிவு தொழில்நுட்புநா் குணசேகரன் உள்ளிட்டோா் பங்கேற்றனா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
Dinamani
www.dinamani.com