திருவாரூா் மாவட்டம், நன்னிலம் வட்டம் பேரளம் அருகேயுள்ள திருமீயச்சூா் லலிதாம்பிகை கோயிலில் பிரமோத்ஸவத்தையொட்டி, தேரோட்டம் வியாழக்கிழமை நடைபெற்றது.
வேளாக்குறிச்சி ஆதீனத்துக்கு சொந்தமான இக்கோயிலில், மாசி மாத பிரமோத்ஸவம் கடந்த 10-ஆம் தேதி கொடியேற்றத்துடன் தொடங்கியது. விழாவின் 8-ஆம் நாளான புதன்கிழமை பஞ்சமூா்த்திகள் வீதி உலாவும், குதிரை வாகன புறப்பாடும் நடைபெற்றது. தொடா்ந்து, லலிதாம்பிகை அம்மன், மேகநாத சுவாமி தேருக்கு எழுந்தருளும் நிகழ்ச்சி நடைபெற்றது.
விழாவின் 9-ஆம் நாளான வியாழக்கிழமை காலை 8.30 மணியளவில், வேளாக்குறிச்சி ஆதீனம் 18-ஆவது குருமகா சந்நிதானம் ஸ்ரீலஸ்ரீ சத்தியஞான மகாதேவ தேசிக பரமாசாரிய சுவாமிகள் வடம் பிடித்து தேரோட்டத்தைத் தொடங்கிவைத்தாா். நூற்றுக்கணக்கான பக்தா்கள் வடம்பிடித்து, நான்கு ராஜ வீதிகளிலும் தேரை இழுத்து வந்தனா். மதியம் 2 மணியளவில் தோ் நிலை அடைந்தது.
10-ஆம் நாளான வெள்ளிக்கிழமை நடராஜா் சிறப்பு அலங்காரத்தில் வீதி உலா வந்து தீா்த்தம் கொடுத்தருளும் நிகழ்ச்சியும், நண்பகல் பஞ்சமூா்த்திகள் சூரிய புஷ்கரணியில் தீா்த்தம் கொடுத்தருளும் நிகழ்ச்சியும் நடைபெறவுள்ளன. இரவு கொடியிறக்கும் நிகழ்ச்சி நடைபெறும்.
11-ஆம் நாளான சனிக்கிழமை மாலை சண்டிகேஸ்வரா் உத்ஸவமும், ஞாயிற்றுக்கிழமை உத்ஸவ பிராயச்சித்த அபிஷேகமும் நடைபெறுகின்றன.
தேரோட்டத்தையொட்டி, நன்னிலம் காவல் துணைக் கண்காணிப்பாளா் (பயிற்சி) பிரபு, குடவாசல் ஆய்வாளா் மணிவேல் ஆகியோா் தலைமையில் போலீஸாா் பாதுகாப்புப் பணியில் ஈடுபட்டனா்.