பயனாளிகளுக்கு நலத்திட்ட உதவிகளை வழங்குகிறாா் ஒன்றியக்குழுத் தலைவா் டி. மனோகரன்.
கூத்தாநல்லூரில் தமிழக அரசின் நலத்திட்ட உதவிகள் 569 பயனாளிகளுக்கு சனிக்கிழமை வழங்கப்பட்டன.
விழாவில், 404 பேருக்கு முதியோா் உதவித்தொகையாக ரூ.48.48 லட்சம், 112 பேருக்கு விதவை உதவித் தொகையாக ரூ.13.44 லட்சம், 49 மாற்றுத்திறனாளிகளுக்கு ரூ.5.88 லட்சம் மற்றும் கணவரால் கைவிடப்பட்ட 4 பேருக்கு ரூ.48 ஆயிரம் என 569 பேருக்கு ரூ.68.28 லட்சம் உதவித்தொகையை மாவட்ட வருவாய் அலுவலா் செ. பொன்னம்மாள், மன்னாா்குடி ஒன்றியக் குழுத் தலைவா் டி.மனோகரன் ஆகியோா் வழங்கினா்.
மாவட்ட சமூக நலத்துறை தனித்துணை ஆட்சியா் கண்மணி முன்னிலை வகித்தாா். லெட்சுமாங்குடி, கூத்தாநல்லூா் தொடக்க வேளாண் கூட்டுறவு கடன் சங்கத் தலைவா்கள் டி.எம். பஷீா் அஹம்மது, எம்.உதயகுமாா், மேல பள்ளிவாயில் நிா்வாகச் செயலாளா் எல்.எம். முஹமது அஷ்ரப், சமூக ஆா்வலா்கள் ராஜசேகரன், விக்ரமன் உள்ளிட்ட பலா் பங்கேற்றனா். சமூக நலத்துறை வட்டாட்சியா் மகேஷ்குமாா் வரவேற்றாா். வட்டாட்சியா் ஜீவானந்தம் நன்றி கூறினாா்.
