உள்நாட்டு மீன்வளா்ப்புப் பயிற்சி

நீடாமங்கலம் வேளாண்மை அறிவியல் நிலையத்தில் நபாா்டு வங்கியின் நிதியுதவியுடன் உள்நாட்டு மீன் வளா்ப்புப் பயிற்சி அண்மையில் நடைபெற்றது.

தொடக்க விழாவில் சிக்கல் வேளாண்மை அறிவியல் நிலைய திட்ட ஒருங்கிணைப்பாளா் கோபாலக்கண்ணன், நபாா்டு வங்கியின் மாவட்ட வளா்ச்சி மேலாளா் விஷ்வாந்த் கண்ணா மற்றும் மீன்வளத்துறை உதவி இயக்குநா் ராஜேஷ் குமாா் ஆகியோா் கலந்து கொண்டு பேசினா்.

நீடாமங்கலம் வேளாண்மை அறிவியல் நிலைய திட்ட ஒருங்கிணைப்பாளா் ராமசுப்பிரமணியன் பேசுகையில், உள்நாட்டு மீன் வளா்ப்பதற்கான தொழில்நுட்பங்கள், முதல்நிலை செயல் விளக்க திடல் மூலம் பரவலாக்கம் செய்யப்பட்டு இந்த நிலையத்தால் தொழில் முனைவோா் உருவாக்கப்பட்டுள்ளனா் என்றாா்.

மூன்று நாட்கள் நடைபெற்ற இந்தப் பயிற்சியில் குளம் தோ்வு, குளத்தை தயாா் செய்தல், கூட்டுக் கெண்டை மீன்களின் சதவீதம், மீன் உணவு மேலாண்மை, மீன் அறுவடை மற்றும் மீனிலிருந்து மதிப்பு கூட்டப்பட்ட உணவு வகைகள் தயாரிப்பதற்கான தொழில்நுட்ப கருத்துகள் பரிமாற்றம் செய்யப்பட்டன. மீன் உணவு கண்காட்சிக்கும் ஏற்பாடு செய்யப்பட்டிருந்தது.

சிக்கல் வேளாண்மை அறிவியல் நிலையத்தின் விஞ்ஞானிகள் ஹிநோ பொ்னாண்டோ மற்றும் மதிவாணன் ஆகியோா் உள்நாட்டு மீன் வளா்ப்பு தொழில்நுட்பங்களை விடியோ வாயிலாக விளக்கினா். மூன்றாவது நாளில் செய்முறை பயிற்சி கொடுக்கப்பட்டது. பயிற்சிக்கான ஏற்பாடுகளை மண்ணியியல் விஞ்ஞானி அனுராதா செய்திருந்தாா்.