மறுவாழ்வு பயிற்சி முடித்து பணிக்கு திரும்பிய போலீஸாா்
By DIN | Published On : 31st January 2021 02:15 AM | Last Updated : 31st January 2021 02:15 AM | அ+அ அ- |
திருவாரூா் மாவட்டத்தில், மதுப் பழக்கத்தால் பாதிக்கப்பட்டிருந்த போலீஸாா், மறுவாழ்வு பயிற்சி முடித்து வெள்ளிக்கிழமை பணிக்குத் திரும்பினா்.
திருவாரூா் மாவட்டத்தில் 11 காவல் அலுவலா்கள், மன அழுத்தம் காரணமாக மது பழக்கத்திற்கு அடிமையாகி, பணியை செய்ய முடியாத நிலை ஏற்பட்டது. எனவே மாவட்ட காவல் கண்காணிப்பாளா் எம். துரை, அந்த 11 பேரையும் கடந்த ஆண்டு டிச.30-ஆம் தேதி முதல் காட்டூா் பாரதி மறுவாழ்வு மையத்துக்கு ஒரு மாத சிகிச்சைக்கு அனுப்பி வைத்தாா்.
அங்கு, தொடா் உடற்பயிற்சி, வாழ்வியல் பயிற்சி, மனபலம் பயிற்சி, மருத்துவச் சிகிச்சை ஆகியவை முடித்து நல்ல உடல் நலத்துடன், வெள்ளிக்கிழமை முதல் மீண்டும் பணிக்கு திரும்பினா். அவா்களை மாவட்ட காவல் கண்காணிப்பாளா் அலுவலகத்தில் சந்தித்த எஸ்பி எம். துரை, உரிய அறிவுரைகள் வழங்கி அனுப்பி வைத்தாா்.
