உணவுப் பொருள்கள் கொள்முதலில் ஊழல் என்ற புகாரில் உண்மை இல்லை

நன்னிலம்: கடந்த அதிமுக ஆட்சியில் உணவுப் பொருள்கள் கொள்முதலில் ஊழல் நடைபெற்ாக கூறப்படும் புகாரில் துளியும் உண்மையில்லை என்றாா் முன்னாள் உணவுத் துறை அமைச்சா் ஆா்.காமராஜ்.

கடந்த அதிமுக ஆட்சியில் நியாயவிலைக் கடைகளுக்கான அத்தியாவசிய பொருள்களை கொள்முதல் செய்ததில், ரூ.2000 கோடி ஊழல் நடைபெற்ாக அறப்போா் இயக்கம் சாா்பில், லஞ்ச ஒழிப்புத் துறை போலீஸில் புகாா் அளிக்கப்பட்டுள்ளது. இந்நிலையில், முன்னாள் அமைச்சா் ஆா். காமராஜ், நன்னிலத்தில் செய்தியாளா்களிடம் திங்கள்கிழமை கூறியது:

விளம்பர நோக்கத்தில் இந்த புகாா் தெரிவிக்கப்பட்டுள்ளது. இந்த புகாரில் ஒரு சதவீதம் கூட உண்மை இல்லை. ஏற்கெனவே காம்படிஷன் கமிஷன் ஆஃப் இந்தியா வரை அறப்போா் இயக்கத்தின் சாா்பில் புகாா் கூறப்பட்டு, அந்தப் புகாா்கள் நிராகரிக்கப்பட்டுள்ளன. நியாயவிலைக் கடைகளுக்குப் பொருள்கள் கொள்முதல் செய்வதில், எந்தவொரு தனிப்பட்ட நபரும் ஆதாயம் காணமுடியாது.

கரோனா முதல் அலையின்போது, அதிமுக அரசின் சாா்பில் கிராமங்கள்தோறும் மருத்துவப் பரிசோதனை நடைபெற்றது. தொற்றுப் பாதிக்கப்பட்டவா்கள், ஆம்புலன்ஸில் மருத்துவமனைக்கு அழைத்துச் செல்லப்பட்டு மீண்டும் ஆம்புலன்ஸ் மூலமாக வீட்டுக்கு அனுப்பி வைக்கப்பட்டனா். ஆனால் தற்போது தொற்றுப் பாதிக்கப்பட்டவா்கள் தாங்களாகவே மருத்துவமனைக்கு வரவேண்டும் எனவும், சிகிச்சை முடிந்து அவ்வாறே வீட்டுக்குச் செல்ல வேண்டுமெனவும் கூறுகின்றனா்.

கரோனா பாதித்த அனைவரையும், அரசு மருத்துவமனைகள் மற்றும் சிகிச்சை மையங்களில் அனுமதித்து, பாதிப்பு குறைந்ததும் வீட்டுக்கு அனுப்ப வேண்டும். தற்போது மிகுந்த ஆா்வத்துடன் தடுப்பூசி செலுத்த மருத்துவமனைக்கு வருபவா்கள், ஏமாற்றத்துடன் திரும்பிச் செல்கின்றனா். எனவே அனைவருக்கும் தடுப்பூசி செலுத்துவதற்கு அரசு உரிய நடவடிக்கைகளை எடுக்க வேண்டும் என்றாா் அவா்.