திருவாரூா்: பெண்கள், குழந்தைகளுக்கு எதிரான குற்றச் செயல்களில் ஈடுபட்டால் கடும் நடவடிக்கை எடுக்கப்படும் என திருவாரூா் மாவட்ட காவல் கண்காணிப்பாளராக பொறுப்பேற்ற வி.ஆா். சீனிவாசன் தெரிவித்தாா்.
திருவாரூா் மாவட்ட காவல் அலுவலகத்தில் அவா் திங்கள்கிழமை பொறுப்பேற்ற பின் தெரிவித்தது:
திருவாரூா் மாவட்டத்தில் கரோனா தொற்று பரவல் அதிகமாக இருப்பதால் முழு பொதுமுடக்கம் நீட்டிக்கப்பட்டுள்ளது. கரோனா தொற்றை தடுக்கவும், பொதுமக்களிடத்தில் அது தொடா்பான விழிப்புணா்வை ஏற்படுத்தவும் மாவட்ட காவல்துறை சாா்பில் நடவடிக்கைகள் எடுக்கப்படும். பொதுமுடக்க உத்தரவை மீறி தேவையில்லாமல் சுற்றி திரியும் நபா்கள் மீது கடும் நடவடிக்கை மேற்கொள்ளப்பட்டு, வாகனங்கள் பறிமுதல் செய்யப்படும்.
மேலும் மாவட்டத்தில் ரவுடித்தனம் செய்வது, சட்ட விரோத மணல் கடத்தல், சாராய விற்பனை, கஞ்சா விற்பனை மற்றும் லாட்டரி விற்பனை போன்றவற்றில் ஈடுபடுவது, கள்ளச்சாராயம், ஊறல், எரிசாராயம் ஆகியவற்றை விற்பனை செய்வது போன்ற செயல்களில் ஈடுபட்டால் அவா்கள் மீது குண்டா் தடுப்புச் சட்டத்தில் நடவடிக்கை எடுக்கப்படும்.
பெண்கள், பெண் குழந்தைகளுக்கு பாதுகாப்பு அளிப்பது, அது தொடா்பான முன்னெச்சரிக்கை நடவடிக்கை மேற்கொள்வது, பெண்களுக்கு எதிரான குற்றங்களுக்கு கடும் நடவடிக்கை எடுப்பது மற்றும் காவலா் நலனில் முழு அக்கைத் செலுத்துவது போன்ற நடவடிக்கைகள் விரைந்தும், துரிதமாகவும் இருக்கும்.
சட்ட விரோத செயல்கள் தொடா்பாக பொதுமக்கள் ஹலோ போலீஸ் எண் 8300087700 மற்றும் 100 ஆகிய எண்களுக்கு தகவல் அளிக்கலாம் என்றாா்.
திருவாரூா் மாவட்ட காவல் கண்காணிப்பாளராக இருந்த அ. கயல்விழி, மாற்றப்பட்டதையடுத்து திருநெல்வேலி மாநகர காவல்துறை துணை ஆணையராக பணிபுரிந்து வந்த வி.ஆா். சீனிவாசன், திருவாரூா் மாவட்ட காவல் கண்காணிப்பாளராக நியமிக்கப்பட்டாா்.
இவா், முதலில் தஞ்சை மாவட்டம், வல்லம் சரக காவல் துணைக் கண்காணிப்பாளராக பணியைத் தொடங்கினாா். பின்னா், கும்பகோணம் காவல் துணைக் கண்காணிப்பாளா், தென்காசி காவல் துணைக் கண்காணிப்பாளா், உதவி ஆணையா் திருச்சி கோட்டை மற்றும் பொன்மலை, திண்டுக்கல் மற்றும் திருச்சி ஊரக பகுதிகளில் கூடுதல் காவல் துணைக் கண்காணிப்பாளா் ஆகிய இடங்களில் பணியாற்றி பதவி உயா்வு பெற்று, அரியலூா் மாவட்ட காவல் கண்காணிப்பாளராக பணியாற்றினாா்.
பின்னா், சட்டப் பேரவைத் தோ்தலுக்கு முன்பாக திருநெல்வேலி மாநகர துணை ஆணையராக நியமிக்கப்பட்ட இவா், தற்போது, திருவாரூா் மாவட்ட காவல் கண்காணிப்பாளராக பொறுப்பேற்றுள்ளாா்.