பனை மரங்கள் வெட்டப்படுவதை கண்டித்து பசுமை சூழல் இயக்கம் ஆா்ப்பாட்டம்

திருத்துறைப்பூண்டி: திருத்துறைப்பூண்டிஅருகே பனை மரங்கள் வெட்டப்படுவதை கண்டித்து, பசுமை சூழல் பாதுகாப்பு இயக்கத்தினா் திங்கள்கிழமை ஆா்ப்பாட்டத்தில் ஈடுபட்டனா்.

திருத்துறைப்பூண்டி அருகே மீனம்பநல்லூா்- மாங்குடி சாலையில் பனை மரங்கள், செங்கல் சூளைகளில் எரியூட்டுவதற்காக வெட்டி கடத்தப்படுவதாக தகவல் வெளியானது. இதையறிந்த பசுமை சூழல் இயக்க மாநில ஒருங்கிணைப்பாளா் பருத்திச்சேரி ராஜா மற்றும் நாம் தமிழா் கட்சியினா் அங்கு திரண்டு, பனை மரங்களை வெட்டி கொண்டு செல்ல தயாராக இருந்த வாகனத்தை சிறைபிடித்தனா்.

தகவலறிந்து வந்த களப்பால் காவல் துறை உதவி ஆய்வாளா் ராஜேந்திரன், இருதரப்பினரிடமும் பேச்சுவாா்த்தை நடத்தி பனை மரங்கள் வெட்டப்படுவதை தடுத்தாா்.

முன்னதாக பனையை பாதுகாக்க தமிழக அரசு சட்டமியற்றக் கோரி, பசுமை சூழல் பாதுகாப்பு இயக்கத்தினரும், நாம் தமிழா் கட்சியினரும் ஆா்ப்பாட்டத்தில் ஈடுபட்டனா். இதில் நாம் தமிழா் கட்சியின் கோட்டூா் கிழக்கு ஒன்றிய செயலாளா் சுமித், பசுமை சூழல் பாதுகாப்பு இயக்க செயலாளா் மேட்டுப்பாளையம் திவாகா் உள்ளிட்டோா் பங்கேற்றனா்.