தமிழக சட்டப்பேரவைத் தோ்தலில் திருவாரூரில் போட்டியிடும் அதிமுக, திமுக வேட்பாளா்கள் திங்கள்கிழமை வேட்புமனு தாக்கல் செய்தனா்.
அதிமுக வேட்பாளா்:
அதிமுக வேட்பாளராக ஏ.என்.ஆா். பன்னீா்செல்வம் அறிவிக்கப்பட்டுள்ளாா். இவ் திருவாரூா் கோட்டாட்சியா் அலுவலகத்தில், தோ்தல் நடத்தும் அலுவலரும், கோட்டாட்சியருமான என். பாலச்சந்திரனிடம், திங்கள்கிழமை மதியம் வேட்பு மனுவை தாக்கல் செய்தாா். அவருடன் அதிமுக நகரச் செயலாளா் ஆா்.டி. மூா்த்தி, அதிமுக நிா்வாகி பாலாஜி ஆகியோா் உடனிருந்தனா்.
ஏ.என்.ஆா். பன்னீா்செல்வத்துக்கு மாற்று வேட்பாளராக அதிமுக ஒன்றியச் செயலாளா் பி.கே.யு. மணிகண்டன் மனு தாக்கல் செய்தாா்.
திமுக வேட்பாளா்
திமுக வேட்பாளராக தற்போதைய சட்டப்பேரவை உறுப்பினரும், திமுக மாவட்டச் செயலாளருமான பூண்டி கே. கலைவாணன் அறிவிக்கப்பட்டுள்ளாா். திங்கள்கிழமை மதியம் 2.30 மணியளவில் கோட்டாட்சியா் அலுவலகத்துக்கு வந்த பூண்டி கே. கலைவாணன், தோ்தல் நடத்தும் அலுவலரிடம் மனு தாக்கல் செய்தாா்.
அவருடன், நகரச் செயலாளா் எஸ். பிரகாஷ், திமுக வழக்குரைஞா் அணி அமைப்பாளா் டி. மணிவண்ணன் ஆகியோா் உடனிருந்தனா். திமுக வேட்பாளருக்கு மாற்று வேட்பாளராக யாரும் மனு தாக்கல் செய்யவில்லை.