Enable Javscript for better performance
மன்னாா்குடி அமமுக வேட்பாளருக்கு திடீா் உடல் நலக்குறைவு: மருத்துவமனையில் அனுமதி- Dinamani

சுடச்சுட

    

    மன்னாா்குடி அமமுக வேட்பாளருக்கு திடீா் உடல் நலக்குறைவு: மருத்துவமனையில் அனுமதி

    By DIN  |   Published on : 22nd March 2021 09:06 AM  |   அ+அ அ-   |    |  

    s_kamaraj_ammk_2103chn_101_5

    மன்னாா்குடி தொகுதி அமமுக வேட்பாளா் எஸ். காமராஜ்.

    மன்னாா்குடி சட்டப்பேரவைத் தொகுதி அமமுக வேட்பாளா் எஸ். காமராஜுக்கு திடீா் உடல் நலக்குறைவு ஏற்பட்டதையடுத்து, தஞ்சையில் உள்ள தனியாா் மருத்துவமனையில் ஞாயிற்றுக்கிழமை அனுமதிக்கப்பட்டாா்.

    திருவாரூா் மாவட்டம், மன்னாா்குடி சட்டப்பேரவைத் தொகுதியில் அமமுக சாா்பில் கட்சியின் மாவட்டச் செயலாளா் எஸ். காமராஜ் (55) போட்டியிடுகிறாா். இதையடுத்து, அவா் தீவிர வாக்குச் சேகரிப்பில் ஈடுபட்டு வந்தாா். காமராஜை ஆதரித்து, சனிக்கிழமை இரவு மன்னாா்குடி மேலராஜவீதி பெரியாா் சிலை அருகே, அமமுக பொதுச் செயலா் டி.டி.வி. தினகரன் பிரசாரம் செய்வதாக அறிவிக்கப்பட்டு, அதற்கான ஏற்பாடுகளை காமராஜ் செய்து வந்தாா்.

    நாகப்பட்டினத்தில் பிரசாரத்தை முடித்துகொண்டு மன்னாா்குடிக்கு டி.டி.வி. தினகரன் வந்தபோது, இரவு 10 மணிக்கு மேல் ஆகிவிட்டதால், வேட்பாளரை ஆதரித்து பேசாமல், கட்சி சின்னமான பிரஷா் குக்கரை காட்டி, சைகையால் வாக்கு கேட்டுவிட்டு டிடிவி புறப்பட்டு சென்றாா்.

    அவரை வழியனுப்பி வைத்துவிட்டு, வீட்டுக்கு சென்ற எஸ். காமராஜ் நள்ளிரவில், தனக்கு நெஞ்சு வலிப்பதாக கூறியதால், அவரது குடும்பத்தினா் மற்றும் கட்சி நிா்வாகிகள் மன்னாா்குடியிலுள்ள தனியாா் இருதய நோய் மருத்துவமனையில் முதலுதவி சிகிச்சைக்கு பின்னா், தஞ்சையில் உள்ள தனியாா் மருத்துவமனையில் அனுமதித்தனா். அங்கு, மருத்துவக் குழுவினா் பரிசோதனை மேற்கொண்டதில், இருதயத்துக்கு செல்லும் ரத்தக் குழாயில் இரு இடங்களில் அடைப்பு இருப்பது தெரியவந்தது.

    இதையடுத்து, காமராஜுக்கு ஞாயிற்றுக்கிழமை இருதயத்தில் அடைப்பை நீக்க சிகிச்சையளிக்கப்பட்டது. இதைத்தொடா்ந்து, தனி வாா்டில் தீவிர கண்காணிப்பில் இருந்து வருகிறாா். தற்போது காமராஜின் உடல் நிலையில் நல்ல முன்னேற்றம் இருப்பதாக அவரது குடும்பத்தினா் தெரிவித்தனா்.

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    ->
    flipboard facebook twitter whatsapp