அமைச்சரின் பிரசாரத்தின்போது அதிமுகவில் இணைந்த திமுவினா்

நன்னிலம் தொகுதி அதிமுக வேட்பாளா் அமைச்சா் ஆா். காமராஜ் வெள்ளிக்கிழமை மேற்கொண்ட பிரசாரத்தின்போது, பனங்குடி ஊராட்சி மன்ற உறுப்பினா் மற்றும் திமுகவினா்அதிமுகவில் இணைந்தனா்.
நன்னிலம் பகுதியில் வாக்கு சேகரிக்கும் அமைச்சா் ஆா். காமராஜ்.
நன்னிலம் பகுதியில் வாக்கு சேகரிக்கும் அமைச்சா் ஆா். காமராஜ்.

நன்னிலம் தொகுதி அதிமுக வேட்பாளா் அமைச்சா் ஆா். காமராஜ் வெள்ளிக்கிழமை மேற்கொண்ட பிரசாரத்தின்போது, பனங்குடி ஊராட்சி மன்ற உறுப்பினா் மற்றும் திமுகவினா்அதிமுகவில் இணைந்தனா்.

அமைச்சா் ஆா். காமராஜ் சொரக்குடி ஐயனாா் கோயிலில் வெள்ளிக்கிழமை வழிபட்டுவிட்டு, அன்றைய பிரசாரத்தை தொடங்கினாா். சொரக்குடி, மூங்கில்குடி, விசலூா், மகிழஞ்சேரி, பனங்குடி, திருக்கண்டீஸ்வரம் உள்ளிட்ட பகுதிகளில் வாக்கு சேகரித்தாா்.

அவா், பனங்குடி பகுதியில் வாக்குச் சேகரித்தபோது, அந்த ஊராட்சி மன்றத்தின் உறுப்பினா் நீலாவதி தலைமையில் 20- க்கும் மேற்பட்டவா்கள் திமுகவிலிருந்து விலகி அமைச்சா் முன்னிலையில் அதிமுகவில் இணைந்தனா்.

இந்நிகழ்ச்சியில், கட்சியின் அமைப்பு செயலாளா் டாக்டா் கே. கோபால், பாமக மாவட்டச் செயலாளா் ஐயப்பன், அதிமுக ஒன்றியச் செயலாளா் இராம குணசேகரன், ஒன்றியக் குழுத் தலைவா் விஜயலட்சுமி குணசேகரன் உள்ளிட்டோா் பங்கேற்றனா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
Dinamani
www.dinamani.com