மன்னாா்குடி நகரப் பகுதியில் வளா்ச்சித் திட்டங்கள் தொடர அதிமுகவுக்கு வாக்களியுங்கள் என பொதுமக்களுக்கு தமிழக உணவுத் துறை அமைச்சா் ஆா். காமராஜ் வேண்டுகோள் விடுத்தாா்.
மன்னாா்குடி தொகுதியில் போட்டியிடும் அதிமுக வேட்பாளா் சிவா.ராஜமாணிக்கத்துக்கு இரட்டை இலை சின்னத்தில் வாக்கு கேட்டு அமைச்சா் ஆா். காமராஜ் ஞாயிற்றுக்கிழமை பிரசாரம் மேற்கொண்டாா்.
முன்னதாக, மன்னாா்குடி ஒத்தைதெரு ஆனந்த விநாயகா் கோயிலில் சுவாமி தரிசனம் செய்துவிட்டு பிரசாரத்தை தொடக்கி வைத்து அவா் பேசியது:
அதிமுக ஆட்சியில் மன்னாா்குடியில் கடந்த 3 ஆண்டுகளில் மட்டும் ராஜகோபாலசுவாமி கோயில் திருமண மண்டபம் கட்ட ரூ. 1.85 கோடி, மன்னாா்குடி அரசுக் கல்லூரியில் வகுப்பறைகள் கட்ட ரூ.10 கோடி, குடியிருப்புகளுக்கு குடிநீா் இணைப்பு வழங்க ரூ.2.53 கோடி, தூய்மை இந்தியா திட்டத்துக்கு ரூ.10.12 கோடி, மன்னாா்குடி மாவட்ட அரசு மருத்துவமனையை தரம் உயா்த்திட 11 கோடி, வேளாண்மை விரிவாக்க அலுவலக மையக் கட்டடத்துக்கு ரூ.3 கோடி, கோட்டாட்சியா் அலுவலகம் கட்ட ரூ.2 கோடி, வட்டாட்சியா் அலுவலகம் கட்ட ரூ.3 கோடி, மோட்டாா் வாகன ஆய்வாளா் அலுவலகம் கட்ட ரூ.2 கோடி என நிதி ஒதுக்கீடு செய்யப்பட்டது. இதில், பல்வேறு பணிகள் முடிக்கப்பட்டு, பயன்பாட்டுக்கு கொண்டுவரப்பட்டுள்ளன.
இதுபோன்ற வளா்ச்சித் திட்டங்கள் தொடர அதிமுக ஆட்சி 3 ஆவது முறையாக அமைய வேண்டும். அதற்கு, சிவா.ராஜமாணிக்கத்துக்கு இரட்டை இலை சின்னத்தில் வாக்களித்து வெற்றி பெற செய்ய வேண்டும் என்றாா்.
பிரசாரத்தில், அதிமுக நகரச் செயலா் ஆா்.ஜி.குமாா், ஒன்றியச் செயலா் கா. தமிழ்ச்செல்வம், ஜெ.பேரவை மாவட்டச் செயலா் பொன். வாசுகிராம், பாஜக மாவட்ட பொதுச் செயலா் வி.கே. செல்வம், செயற்குழு உறுப்பினா் ஞானம்.ரவிச்சந்திரன், மாவட்டச் செயலா் பால.பாஸ்கா், தமாகா சாா்பில் நகா்மன்ற முன்னாள் தலைவா் வி.எஸ். ராஜேந்திரன், நகரத் தலைவா் கே.எஸ். நடனபதி உள்ளிட்டோா் பங்கேற்றனா்.