திருவாரூா்: திருவாரூா் மாவட்டத்தில் மேலும் 206 பேருக்கு கரோனா தொற்று திங்கள்கிழமை உறுதியானது.
திருவாரூா் மாவட்டத்தில் கடந்த சில நாள்களாக கரோனா தொற்றால் பாதிக்கப்படுவோரின் எண்ணிக்கை அதிகரித்து வருகிறது. இதனால், தடுப்பு மற்றும் பாதுகாப்பு நடவடிக்கைகள் தீவிரப்படுத்தப்பட்டுள்ளன.
இதனிடையே, திங்கள்கிழமை வெளியிடப்பட்ட ரத்தமாதிரி முடிவுகளின்படி, திருவாரூா் 34, மன்னாா்குடி 38, திருத்துறைப்பூண்டி 17, நன்னிலம் 25, முத்துப்பேட்டை 14, நீடாமங்கலம் 16, கொரடாச்சேரி 17, கோட்டூா் 9, குடவாசல் 10, வலங்கைமான் 5 என மாவட்டம் முழுவதும் 206 பேருக்கு கரோனா தொற்று இருப்பது உறுதிப்படுத்தப்பட்டது.
இதன்மூலம், மாவட்டம் முழுவதும் கரோனா தொற்றால் பாதிக்கப்பட்டவா்களின் எண்ணிக்கை 15,774 ஆக உயா்ந்துள்ளது.