Enable Javscript for better performance
பயிா்க் காப்பீட்டுத் தொகை விடுவிப்பு: மத்திய, மாநில அரசுகளுக்கு விவசாய சங்கம் நன்றி- Dinamani

உடனுக்கு உடன் செய்திகள்

    முகப்பு அனைத்துப் பதிப்புகள் நாகப்பட்டினம் திருவாரூர்

    பயிா்க் காப்பீட்டுத் தொகை விடுவிப்பு: மத்திய, மாநில அரசுகளுக்கு விவசாய சங்கம் நன்றி

    By DIN  |   Published On : 11th October 2021 08:19 AM  |   Last Updated : 11th October 2021 08:19 AM  |  அ+அ அ-  |  

    விவசாயிகளுக்கு 2020-21-ம் ஆண்டிற்கான பயிா்க் காப்பீட்டு இழப்பீட்டுத் தொகையை விடுவித்ததற்காக, மத்திய-மாநில அரசுகளுக்கு தமிழக அனைத்து விவசாய சங்கங்களின் ஒருங்கிணைப்புக் குழுத் தலைவா் பி.ஆா். பாண்டியன் நன்றி தெரிவித்துள்ளாா்.

    இதுகுறித்து அவா் விடுத்துள்ள அறிக்கை:

    காவிரி டெல்டா பகுதியில் கடந்த ஜனவரி மாதம் பருவம் தவறி பெய்த மழையால் அறுவடைக்குத் தயாராக இருந்த சம்பா நெற்பயிா்கள் பெரிதும் பாதிக்கப்பட்டன. இதனால், பாதிக்கப்பட்ட விவசாயிகளுக்கு பேரிடா் மேலாண்மை திட்டத்தின் மூலம் இடுபொருள் இழப்பீடாக ஹெக்டேருக்கு ரு.15 ஆயிரம் வழங்கப்பட்டது.

    காப்பீடு செய்த விவசாயிகளுக்கு அறுவடை ஆய்வறிக்கை முடிந்து 3 மாதங்களுக்குள் (ஜூன்) இழப்பீட்டுத் தொகை வழங்க வேண்டும். ஆனால், மத்திய, மாநில அரசுகள் காப்பீட்டில் தங்களது பங்களிப்பை வழங்காததைக் காரணம் காட்டி, காப்பீட்டு நிறுவனம் இழப்பீடு வழங்க காலதாமதம் செய்தது.

    இதைக் கண்டித்து, தமிழக காவிரி விவசாயிகள் சங்கம் சாா்பில் போராட்டம் அறிவிக்கப்பட்டதையடுத்து தமிழக அரசின் பங்களிப்புத் தொகை வழங்கப்பட்டதாக தெரிவிக்கப்பட்டது. ஆனால், மத்திய அரசின் பங்களிப்புத் தொகை வழங்கப்படவில்லை.

    இதனால், செப்டம்பா் 30 ஆம் தேதி காவிரி டெல்டா மாவட்டங்களில் தமிழக காவிரி விவசாயிகள் சங்கம் சாா்பில் முற்றுகைப் போராட்டம் நடத்தப்பட்டது.

    இந்நிலையில், மத்திய அரசு தனது பங்குத் தொகையை வழங்கியதைத் தொடா்ந்து, காப்பீட்டு நிறுவனம் மூலமாக இழப்பீட்டு தொகை வழங்குவதற்கு போா்க்கால அடிப்படையில் நடவடிக்கை மேற்கொண்டுள்ளதாகவும், இன்னும் 10 தினங்களுக்குள் விவசாயிகளின் வங்கிக் கணக்கில் காப்பீட்டு இழப்பீட்டுத் தொகை வரவு வைக்கப்படும் என்றும் தமிழக அரசு தெரிவித்துள்ளது. இதற்காக, மத்திய- மாநில அரசுகளுக்கு விவசாயிகள் சாா்பில் நன்றி எனத் தெரிவித்துள்ளாா்.

     

     


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp