கூத்தாநல்லூா் நகராட்சி கோரையாறு- வேளுக்குடி பிரதான சாலைக்கு முன்னாள் முதல்வா் கருணாநிதி பெயரைச் சூட்ட வேண்டும் என காங்கிரஸ் சாா்பில் கோரிக்கை விடுக்கப்பட்டுள்ளது.
இதுகுறித்து காங்கிரஸ் கட்சியின் சமூக ஊடகப் பிரிவு திருவாரூா் சட்டப்பேரவை தொகுதி பொறுப்பாளா் எஸ்.எம். சமீா் கூறியது:
கூத்தாநல்லூருக்கும் மறைந்த முன்னாள் முதல்வா் கருணாநிதிக்கும் அரசியல், சினிமா மற்றும் நண்பா்கள் என்ற வகையில் நெருங்கிய தொடா்பு உள்ளது. எனவே, மன்னாா்குடி- திருவாரூா் பிரதான சாலையில், கூத்தாநல்லூா் நகராட்சிக்கு உள்பட்ட கோரையாறு பாலம் முதல் வ.உ.சி.காலனி, மரக்கடை, லெட்சுமாங்குடிப் பாலம், கூத்தாநல்லூா், பூதமங்கலம், மேலப்பனங்காட்டாங்குடி, கீழப்பனங்காட்டாங்குடி, வேளுக்குடிப் பாலம் வரையிலான சாலைக்கு, முன்னாள் முதல்வா் மு. கருணாநிதியின் பெயரைச் சூட்ட வேண்டும் என்றாா்.