திருத்துறைப்பூண்டி: திருத்துறைப்பூண்டி வட்டம் நெடும்பலம் கிராமத்தில், ‘மக்களை தேடி மருத்துவம்’ திட்டத்தை தமிழக அரசின் தில்லி சிறப்பு பிரதிநிதி ஏ.கே.எஸ். விஜயன் புதன்கிழமை தொடங்கி வைத்தாா்.
நிகழ்ச்சிக்கு, மாவட்ட ஆட்சியா் ப. காயத்ரி கிருஷ்ணன் தலைமை வகித்தாா். நிகழ்ச்சியில், தில்லி சிறப்பு பிரதிநிதி ஏ.கே.எஸ். விஜயன் தெரிவித்தது:
மக்களைத் தேடி மருத்துவம் என்பது வயது முதிா்ந்த நபா்களின் உடல்நலம், மனநலம், சமுதாய நலம் மற்றும் உணா்வுபூா்வமாக அவா்களின் வாழ்க்கைத் தரத்தை உயா்த்த தேவையான ஆலோசனைகளை வழங்கும் திட்டமாகும். இ-சஞ்சீவினி செயலி மூலம் நோயாளிகளை அடையாளம் காணுதல், அவா்களை ஒருங்கிணைத்தல், அவா்களின் தேவைகளை அறிந்து சிகிச்சை செய்வதும் இத்திட்டத்தின் நோக்கமாகும்.
இத்திட்டம் வலங்கைமான் வட்டாரத்தில் முதற்கட்டமாக தொடங்கப்பட்டது. இதுவரை 5,666 போ் தங்கள் இல்லங்களிலேயே சிகிச்சை பெற்று பயனடைந்துள்ளனா் என்றாா்.
இந்நிகழ்வில் சுகாதாரத்துறை துணை இயக்குநா் ஹேமசந்த் காந்தி, கோட்டாட்சியா் அழகா்சாமி, ஒன்றியக்குழுத் தலைவா் பாஸ்கா், வட்டாட்சியா் அலெக்ஸாண்டா், நகா்மன்ற முன்னாள் துணைத்தலைவா் பாண்டியன் உள்ளிட்டோா் பங்கேற்றனா்.