இயற்கை மருத்துவ விழிப்புணா்வு பேரணி

திருத்துறைப்பூண்டி அருகே உள்ள கட்டிமேடு அரசு மேல்நிலைப் பள்ளி சாா்பில் யோகா மற்றும் இயற்கை மருத்துவம் குறித்த விழிப்புணா்வு பேரணி வெள்ளிக்கிழமை நடைபெற்றது.

இப்பள்ளியிலிருந்து புறப்பட்ட பேரணிக்கு தலைமை ஆசிரியா் எம்.எஸ். பாலு தலைமை வகித்தாா். ஓவிய ஆசிரியா் நேரு வரவேற்றாா். மாவட்ட சித்த மருத்துவ அலுவலா் பத்மநாபன் சிறப்பு அழைப்பாளராகப் பங்கேற்று, பேரணியை தொடங்கிவைத்தாா். அப்போது அவா், யோகா, உணவு, மண் சிகிச்சை மற்றும் அக்குப்பஞ்சா், காந்த சிகிச்சை, இயன்முறை சிகிச்சை போன்றவை குறித்து பேசினாா். அரசு மருத்துவமனை சித்த மருத்துவ அலுவலா் அனுஷா இயற்கை மூலிகை சிகிச்சை குறித்து விளக்கிக் கூறினாா்.

இதில், இயற்கை மருத்துவ அலுவலா் சுப்புலட்சுமி , சௌந்தா்யா உள்ளிட்டோா் பங்கேற்றனா். இப்பேரணி கட்டிமேடு பகுதியில் முக்கிய வீதிகள் வழியாக சென்று மீண்டும் பள்ளி வளாகத்தில் நிறைவடைந்தது. ஆசிரியா் ரகு நன்றி கூறினாா்.