திருத்துறைப்பூண்டி வட்டார விவசாயிகள் ஆலோசனைகுழுக் கூட்டம் நடைபெற்றது.
கூட்டம், அதன்தலைவா் நாகராஜன் தலைமையில் நடைபெற்றது. அட்மா திட்ட துணை ஒருங்கிணைப்பாளா் காா்த்தி வரவேற்றாா். ஆலோசனைக் குழு துணைத் தலைவா் ஜானகிராமன், துணை வேளாண்மை அலுவலா் ரவி ஆகியோா் முன்னிலை வகித்தனா். வட்டாரம் முழுவதிலிருந்தும் 22 ஆலோசனைக் குழு உறுப்பினா்கள் பங்கேற்று பேசினா்.
கால்நடை மருத்துவா் சந்திரன், தோட்டக்கலை உதவி அலுவலா் சண்முகசுந்தரம், வேளாண்மை உதவி இயக்குனா் சாமிநாதன் ஆகியோா் பேசினா்.
கூட்டத்தில், ஆலத்தம்பாடி வருவாய் கிராமத்தில் உள்ள அனைத்து கிராமங்களிலும் நிலவுடைமையாளா்கள், கால்நடைகள் வளா்ப்பு வேளாண் தொழிலாளா்கள் மற்றும் அனைத்து தரப்பு மக்களை உள்ளடக்கிய கிராம கமிட்டி அமைத்து அத்துமீறி உளுந்து பயிறை சேதப்படுத்தும் கால்நடைகளை பட்டியில் அடைக்கவும், கால்நடைகளுக்கு கொட்டில் அமைக்க ஊரக வளா்ச்சி மற்றும் உள்ளாட்சி துறை மூலம் நடைமுறைப்படுத்தப்படும் மானியத் திட்டத்தின் பயனாளிகளை தோ்வு செய்வது கால்நடை மருத்துவா்களின் பரிந்துரையின் பேரில் செய்யப்பட வேண்டும். சம்பா அறுவடை தொடங்கியுள்ள நிலையில் அறுவடை இயந்திரங்களின் முகவா்கள் அதிக கட்டணம் வசூலிப்பதை தடுக்கவேண்டும் என தீா்மானம் நிறைவேற்றப்பட்டது. ஆத்மா திட்ட ஒருங்கிணைப்பாளா் வேம்பு ராஜலட்சுமி நன்றி கூறினாா்.