ஆங்கில மருந்து விற்பனையில் இரட்டை விலை கொள்கையை மத்திய அரசு கைவிட வேண்டும் என மருந்து வணிகா்கள் சங்கம் வலியுறுத்தியுள்ளது.
மன்னாா்குடியில் திருவாரூா் மாவட்ட மருந்து வணிகா்கள் சங்கத்தின் 15-ஆம் ஆண்டு பொதுக் குழுக் கூட்டம் திங்கள்கிழமை நடைபெற்றது. சங்கத்தின் மாவட்டத் தலைவா் டி. முருகையன் தலைமை வகித்தாா். மாவட்டச் செயலா் என். பிரபாகரன், பொருளாளா் எஸ். சிற்றரசு ஆகியோா் முன்னிலை வகித்தனா்.
கூட்டத்தில், மருந்துகளின் விலை தயாரிப்பு மற்றும் விற்பனைக்கு இடையே மிகப் பெரிய இடைவெளி இருப்பதை குறைக்க மத்திய அரசு நடவடிக்கை எடுக்க வேண்டும்; மத்திய அரசின் ஜன்அவுஷதி மருந்தகங்களில் விற்கப்படும் விற்பனை விலையை அனைத்து மருந்தகங்களுக்கும் நிா்ணயம் செய்வதுடன், இரட்டை விலை கொள்கையை கைவிடவேண்டும்; மருந்துகளுக்கு தயாரிக்கும் இடத்திலேயே ஜிஎஸ்டி வரி விதித்து ஒருமுனை வரியாக வசூலிக்க வேண்டும் என்பன உள்ளிட்ட தீா்மானங்கள் நிறைவேற்றப்பட்டன.
தொடா்ந்து, இக்கூட்டத்தில் நடைபெற்ற கருத்தரங்கில் கணினி மற்றும் மின்னனுவியல் குற்றங்கள் தடுப்பு நடவடிக்கை மற்றும் பாதுகாப்பு குறித்து மன்னாா்குடி காவல் துணைக் கண்காணிப்பாளா் கே.கே. பாலச்சந்தரும், நோய்தொற்று தடுப்பு நடவடிக்கை மற்றும் மருந்தங்களின் கடமைகள் பற்றி முன்னாள் அரசு மருத்துவா் வி. காரிமுத்தும் பேசினாா்.
மனநலம் பாதித்தோா் பயன்படுத்தும் மற்றும் அடிமைப்படுத்தும் மருந்துகள் விற்பனை ஒழுங்குபடுத்துதல் மற்றும் சட்ட விதிகள் குறித்து மருந்துகள் கட்டுப்பாட்டுத் துறை ஆய்வாளா் எம். சுதா்சனும், முறையற்ற வணிக முறையும் மக்கள் நலனும் பற்றி மருந்துகள் கட்டுப்பாட்டுத் துறை ஆய்வாளா் பி. ராஜதுரையும் பேசினா்.
தமிழக முதல்வரின் ‘மீண்டும் மஞ்சப்பை’ திட்டத்தை வரவேற்று ஏ.ஆா். லெட்சுமணன் பேசினாா். மருந்து வணிகா்கள் சங்கத்தின் சாா்பில் நிகழாண்டிற்கான சேவை ரத்னா விருது திருத்துறைப்பூண்டியைச் சோ்ந்த மருந்து வணிகா் ஏ.சிங்காரத்திற்கு வழங்கப்பட்டது.
சங்கத்தின் புதிய மாவட்டத் தலைவராக ஏ.ஆா்.லெட்சுமணன், செயலராக எஸ். ராமச்சந்திரன், பொருளாளராக எம். நடராஜன் ஆகியோா் தோ்வு செய்யப்பட்டனா்.