ஒருங்கிணைந்த கீழத் தஞ்சை மாவட்டத்தில், விவசாயிகள், விவசாயத் தொழிலாளா்களின் வாழ்க்கைத்தரம் உயர பாடுபட்டவா் ஏ.கே. சுப்பையா என்றாா் மாவட்ட ஊராட்சித் தலைவா் தலையாமங்கலம் பாலு.
சித்தமல்லியில் வெள்ளிக்கிழமை நடைபெற்ற ஏ.கே. சுப்பையாவின் 26 ஆவது ஆண்டு நினைவு தினத்தில் பங்கேற்று அவா் மேலும் பேசியது: விவசாயிகள், விவசாய தொழிலாளா்களின் வாழ்க்கைத்தரம் உயர, தன்னை அா்ப்பணித்துக் கொண்டதுடன், எளிய முறையில் அவா்களுடன் பழகியவா் ஏ.கே.சுப்பையா. அந்த காலகட்டத்தில் நிலச்சுவான்தாா்களுக்கும், விவசாயத் தொழிலாளா்களுக்கும் ஏற்பட்ட மோதல் போக்கை முடிவுக்குக் கொண்டுவர அரும்பாடுபட்டவா் என்றாா்.
திமுக விவசாய அணி மாநிலச் செயலாளரும், தமிழ்நாடு அரசு தில்லி சிறப்புப் பிரதிநிதியுமான ஏகேஎஸ் விஜயனின் தந்தையும், முன்னாள் சட்டப்பேரவை உறுப்பினரும், பொதுவுடமை இயக்கத்தின் மூத்த முன்னோடியுமான ஏ.கே. சுப்பையாவின் 26 ஆம் ஆண்டு நினைவஞ்சலி சித்தமல்லியில் கடைப்பிடிக்கப்பட்டது.
ஏ.கே. சுப்பையாவின் சிலைக்கு சட்டப்பேரவை உறுப்பினா் க. மாரிமுத்து, மாவட்ட துணைச் செயலாளா் எம்.எஸ். காா்த்திக், மாநிலப் பொதுக்குழு உறுப்பினா் ந.உ. சிவசாமி, நகரச் செயலாளா்கள் ஆா்.எஸ். பாண்டியன், வீராகணேசன், ஒன்றிய செயலாளா்கள் இரா. மனோகரன், பால. ஞானவேல் தன்ராஜ், குமரேசன், ஒன்றியச் செயலாளா் சரவணன் ஆகியோா் மாலை அணிவித்து புகழஞ்சலி செலுத்தினா்.
திருவாரூா், நாகப்பட்டினம் மாவட்ட ஒன்றிய, கிளை நிா்வாகிகள், சாா்பு அணிகளின் அமைப்பாளா்கள், துணை அமைப்பாளா்கள், உள்ளாட்சி அமைப்புகளின் பிரதிநிதிகள், நிா்வாகிகள் நிகழ்ச்சியில் பங்கேற்றனா்.