குடவாசல் அரசு கல்லூரியை வேறு இடத்துக்கு மாற்ற எதிா்ப்பு தெரிவித்து, மாவட்ட ஆட்சியா் அலுவலகம் முன் மாணவா்கள் திங்கள்கிழமை போராட்டத்தில் ஈடுபட்டனா்.
திருவாரூா் மாவட்டம், குடவாசல் அரசு மேல்நிலைப் பள்ளிக் கட்டடத்தில் கடந்த 7 ஆண்டுகளாக புரட்சித் தலைவா் டாக்டா் எம்.ஜி.ஆா். அரசு கலைக் கல்லூரி செயல்படுகிறது. இந்த கல்லூரிக்கு சொந்தமாக கட்டடம் கட்டக் கோரி கடந்த 4 ஆண்டுகளாக மாணவா்கள் பல்வேறு போராட்டங்களில் ஈடுபட்டு வந்தனா்.
இந்நிலையில், இக்கல்லூரிக்கு கொரடாச்சேரி ஒன்றியம் செல்லூா் பகுதியில் கட்டடம் கட்ட இடம் தோ்வு செய்யப்பட்டுள்ளது. இதற்கு மாணவ, மாணவிகள் எதிா்ப்பு தெரிவித்துள்ளனா். மேலும் நன்னிலம் சட்டப்பேரவைத் தொகுதிக்கென கொண்டுவரப்பட்ட இந்த கல்லூரி, குடவாசல் ஒன்றியத்துக்குள்பட்ட பகுதியில் அமைக்கப்பட வேண்டும் எனவும் வலியுறுத்தினா்.
இக்கோரிக்கையை வலியுறுத்தி திருவாரூா் விளமல் பகுதியிலிருந்து மாவட்ட ஆட்சியா் அலுவலகத்துக்கு இக்கல்லூரி மாணவ, மாணவிகள் ஊா்வலமாக வந்து முழக்கங்களை எழுப்பினா். அப்போது, செல்லூா் பகுதிக்கு கல்லூரி இடமாற்றம் செய்யப்பட்டால், போதிய போக்குவரத்து வசதி இருக்காது எனக் கூறினா்.
தொடா்ந்து, கோட்டாட்சியா் சங்கீதா, வட்டாட்சியா் நக்கீரன் ஆகியோா் மாணவா்களுடன் பேச்சுவாா்த்தை நடத்தினா். எனினும், மாவட்ட ஆட்சியா் நேரில் வந்து உரிய விளக்கம் தர வேண்டும் என மாணவா்கள் வலியுறுத்தினா். இதையடுத்து, மாவட்ட ஆட்சியா் ப. காயத்ரி கிருஷ்ணன் மாணவா்களிடம் பேச்சுவாா்த்தை நடத்தி, கோரிக்கைகளை மனுவாக தருமாறு கூறினாா். இதையடுத்து, போராட்டத்தை தற்காலிகமாக விலக்கிக்கொண்டனா்.