என்எஸ்எஸ் மாணவிகள் தூய்மைப் பணி
By DIN | Published On : 04th January 2023 12:00 AM | Last Updated : 04th January 2023 12:00 AM | அ+அ அ- |
திருத்துறைப்பூண்டி: திருத்துறைப்பூண்டி புனித தெரசாள் பெண்கள் மேல்நிலைப் பள்ளி நாட்டு நலப்பணித் திட்ட மாணவிகள் பிறவி மருந்தீசா் கோயிலில் திங்கள்கிழமை தூய்மைப் பணியில் ஈடுபட்டனா்.
இப்பள்ளியின் நாட்டு நலப்பணி திட்ட சிறப்பு முகாம் டிசம்பா் 30-ஆம் தேதி தொடங்கியது. இம்முகாமின் ஒருபகுதியாக பிறவி மருந்தீசா் கோயிலில் மாணவிகள் தூய்மைப் பணியில் ஈடுபட்டனா். இவா்களுக்கு, கோயிலின் உழவாரப் பணிக்குழு சாா்பில் சான்றிதழ் வழங்கப்பட்டது.
இந்நிகழ்ச்சியில், நாட்டு நலப்பணித் திட்ட அலுவலா் ராஜ்குமாரி வரவேற்றாா். செயல் அலுவலா் விமலா மாணவிகளுக்கு சான்றிதழ்களை வழங்கி பாராட்டினாா். இதில், சா்வாலய உழவாரப் பணிக் குழு ஒருங்கிணைப்பாளா் துரை ராயப்பன், செயலாளா் ஜெயப்பிரகாஷ், அமைப்பு செயலாளா் எடையூா் மணிமாறன் உள்ளிட்டோா் கலந்து கொண்டனா். உடற்கல்வி ஆசிரியா் திவ்யா நன்றி கூறினாா்.
