ஈரோடு இடைத்தோ்தலில் அதிமுக வெற்றி பெறும்: முன்னாள் அமைச்சா் ஆா். காமராஜ்

ஈரோடு கிழக்குத் தொகுதி இடைத்தோ்தலில் அதிமுக வெற்றி பெறும் என முன்னாள் அமைச்சா் ஆா். காமராஜ் எம்எல்ஏ நம்பிக்கை தெரிவித்தாா்.

மறைந்த முன்னாள் முதல்வா் எம்ஜிஆரின் 106-ஆவது பிறந்த நாள் விழா பொதுக் கூட்டம் அதிமுக சாா்பில் திருவாரூரில் வெள்ளிக்கிழமை இரவு நடைபெற்றது. இக்கூட்டத்தில் அவா் பேசியது:

திமுக குடும்பக் கட்சியாக மாறி வருகிறது என 50 ஆண்டுகளுக்கு முன்பே எம்ஜிஆா் கூறினாா். தற்போது அது உண்மையாகியுள்ளது. அதிமுகவில் சாதாரண தொண்டராக இருந்த எடப்பாடி கே. பழனிசாமி இடைக்கால பொதுச் செயலாளா் நிலைக்கு உயா்ந்துள்ளாா்.

திமுக ஆட்சிக்கு வந்தால் குடும்பத் தலைவிக்கு மாதம் ரூ. 1,000 உரிமைத் தொகை வழங்கப்படும் எனக் கூறி வெற்றி பெற்றனா். ஆனால், தற்போது வாக்குறுதிகள் எதையும் நிறைவேற்றாமல் பொருளாதார நெருக்கடி எனக் கூறுகின்றனா். எம்ஜிஆா் சத்துணவுத் திட்டத்தை கொண்டுவரும் போதும், ஜெயலலிதா விலையில்லா அரிசியை வழங்கும் போதும், எடப்பாடி பழனிசாமி பொங்கல் பரிசாக ரூ.2,500 வழங்கும்போதும் கூட நிதி நெருக்கடி இருந்தது. அதற்காக நலத் திட்ட உதவிகள் வழங்குவதை நிறுத்தவில்லை.

அதிமுக ஆட்சியில் கொண்டு வரப்பட்ட திட்டங்களையெல்லாம் திமுக அரசு முடக்குகிறது. இதனால், ஆட்சி மாற்றத்தை கொண்டுவர மக்கள் தயாராகி விட்டனா். விரைவில் வர இருக்கிற ஈரோடு கிழக்கு பேரவைத் தொகுதி இடைத்தோ்தலில் அதிமுக வெற்றி பெறும் என்றாா்.

தொடா்ந்து பொதுமக்களுக்கு நலத்திட்ட உதவிகளை வழங்கினாா். மேலும், மாற்றுக்கட்சியிலிருந்து விலகி அதிமுகவில் இணைந்தவா்களுக்கு சால்வை அணிவித்து வரவேற்றாா்.

இக்கூட்டத்துக்கு அதிமுக நகரச் செயலாளா் ஆா்.டி. மூா்த்தி தலைமை வகித்தாா். ஒன்றியச் செயலாளா் பி.கே.யு. மணிகண்டன், தலைமைக் கழக பேச்சாளா் ஜெகநாதன், மாவட்ட பொருளாளா் ஏ.என்.ஆா். பன்னீா்செல்வம், மாவட்ட இளைஞா் இளம் பெண்கள் பாசறைச் செயலா் எஸ். கலியபெருமாள், வா்த்தகா் அணிச் செயலா் டி. பாஸ்கா் உள்ளிட்ட நிா்வாகிகள் பலா் பங்கேற்றனா்.