திருவாரூா் மாவட்டத்தில் நேதாஜி சுபாஷ் சந்திரபோஸ் பிறந்த நாள் கொண்டாட்டம்

நேதாஜி சுபாஷ் சந்திரபோஸின் 126-ஆவது பிறந்தநாளையொட்டி திருவாரூரில் நேதாஜி கல்விக் குழுமம் சாா்பில் விழிப்புணா்வுப் பேரணி திங்கள்கிழமை நடைபெற்றது.

திருவாரூா் புதிய ரயில் நிலையத்தில் இருந்து தொடங்கிய பேரணியை, டிஎஸ்பி (குற்றப்பிரிவு) பி. தமிழ்மாறன் தொடக்கிவைத்தாா். பேரணி பழைய பேருந்து நிலையம், பனகல் சாலை, தெற்கு வீதி வழியாக நகராட்சி அலுவலகத்தில் நிறைவடைந்தது.

இதில், தேசிய ஒருமைப்பாட்டை வலியுறுத்தியும், கண் தானம் செய்யக் கோரியும் பதாகைகளை ஏந்தியபடியும், மகரிஷி வித்யா மந்திா் சிபிஎஸ்இ பள்ளி மாணவா்கள், நேதாஜி சுபாஷ் சந்திரபோஸ், மகாத்மா காந்தி, ஜவகா்லால் நேரு, பாரதியாா், லால் பகதூா் சாஸ்திரி போன்ற தேசத் தலைவா்கள் போல வேடமணிந்து பேரணியில் சென்றனா்.

இதையடுத்து கல்லூரியில் நடைபெற்ற நிகழ்வில் நேதாஜியின் உருவப் படத்துக்கு மாலை அணிவித்து மரியாதை செலுத்தும் நிகழ்ச்சியில், கல்லூரி தாளாளா் எஸ். வெங்கடராஜலு, செயலா் வி. சுந்தர்ராஜூ, முதன்மை செயல் அதிகாரி நிா்மலா ஆனந்த், இயக்குநா் த. விஜயசுந்தரம், நிா்வாக அலுவலா் சீதா கோபாலன் உள்ளிட்டோா் பங்கேற்றனா்.

திருவாரூரில் காந்தியன் அறக்கட்டளை சாா்பில் நடைபெற்ற நிகழ்ச்சிக்கு அமைப்பின் தலைவா் தெ. சக்தி செல்வகணபதி தலைமை வகித்தாா். முத்தமிழ் பண்பாட்டு பாசறைத் தலைவா் ப. சீனிவாசன், கலை இலக்கியப் பெருமன்றச் செயலா் வீ. தா்மதாஸ் உள்ளிட்டோா் பங்கேற்றனா். நிகழ்வில், சுபாஷ் சந்திரபோஸின் உருவப் படத்துக்கு மாலை அணிவித்து மரியாதை செலுத்தப்பட்டது.

மன்னாா்குடி: மன்னாா்குடியில் பாஜக சாா்பில், நேதாஜி சுபாஷ் சந்திரபோஸ் பிறந்த நாள் விழா பாஜக மாவட்ட அரசு தொடா்பு பிரிவு தலைவா் வி. பாலகிருஷ்ணன் தலைமையில் நடைபெற்றது. நகர இளைஞரணி தலைவா் மனோஜ் குமாா், நகரத் தலைவா் ஆா்.ரகுராம், மாவட்ட வழக்குரைஞா் பிரிவு தலைவா் சதீஷ்குமாா், மாவட்ட கோயில் மற்றும் ஆன்மிக மேம்பாட்டுப் பிரிவு செயலா் ராஜேஸ்வரி உள்ளிட்டோா் பங்கேற்றனா்.

கூத்தாநல்லூா்: மனோலயம் மனவளா்ச்சிக் குன்றியோருக்கான சிறப்புப் பள்ளியில் நடைபெற்ற விழாவில் நேதாஜி சுபாஷ் சந்திரபோஸ் உருவப் படத்துக்கு மாலை அணிவித்து மரியாதை செலுத்தப்பட்டது. பயிற்சியாளா் செளமியா ஏற்பாட்டில், பயிற்சி உதவியாளா்கள் பிரியதா்ஷின், துா்கா உள்ளிட்டோா் பனங்காட்டாங்குடி தமிழா் தெருவில், பயிற்சியாளா் அனுராதா ஏற்பாட்டில், உதவியாளா் கிரிஜா பங்கேற்றனா். இதேபோல, கூத்தாநல்லூா் ஈ.எஸ்.ஸாா்.மெட்ரிக்.,பள்ளி,லிட்டில் பிளவா் பிரைமரி மற்றும் நா்சரி பள்ளி உள்ளிட்ட பல்வேறு பள்ளிகளில் நேதாஜி சுபாஷ் சந்திரபோஸ் பிறந்த நாள் கொண்டாடப்பட்டது.

நீடாமங்கலம்: வலங்கைமானில் பாஜக சாா்பில் ஒன்றிய பொது செயலாளா் சாமிநாதன் தலைமையில் நடைபெற்ற விழாவில், வா்த்தக பிரிவு மாவட்ட தலைவா் காளிதாஸ், பிரசார பிரிவு மாவட்ட செயலாளா் ராஜு உள்ளிட்டோா் பங்கேற்றனா்.